БНСУ-ын ерөнхий прокурорын газар, Эрүүгийн цагдаагийн газрын хар тамхитай тэмцэх хэлтэс хамтран мансууруулах, сэтгэцэд нөлөөлөх бодистой холбоотой гэмт хэрэгтэй тэмцэх чадавхийг сайжруулах төслийг хэрэгжүүлжээ. Төслийн хүрээнд тус улсаас хар тамхитай тэмцэх газраас Англи улсад үйлдвэрлэсэн “IONSCAN 600” хар тамхи, мансууруулах бодис илрүүлэх хоёр төхөөрөмжийг хүлээн авч, үйл ажиллагаандаа ашиглаж эхэллээ.

Бага оврын хөнгөн жинтэй, зөөвөрлөхөд хялбар, цахилгааны эх үүсвэргүй үед ч ажиллаж болох зайтай. Нийт 50 мянган удаа дээж таниулдаг. Мөн автомат тохируулгатай, дуут дохиот бодис илрүүлэгчтэй гэдгээрээ онцлогтой. Энэхүү төхөөрөмж нь тэсэрч дэлбэрэх, мансууруулах бодисыг нарийвчлан илрүүлдэг хамгийн сүүлийн үеийн дэвшилтэт технологи юм. Дэлхийн өндөр хөгжилтэй орнууд нисэх буудал, хил гааль дээрээ ашигладаг байна.

М.Баасандэлгэр