Энэ хичээлийн жилээс физик-математикийн гүнзгийрүүлсэн сургалттай 11-р сургуулийн салбар тооны сонгоны анги 148-р сургуульд хичээллэж эхэлнэ. Боловсролын тэгш хүртээмжийг хангах үүднээс ийм шийдвэр гарчээ.

Сонгоны хичээлийг дунд ангиас эхлүүлэн 11-р сургуулийн сонгоны багш нар ирж заах юм.

Энэ сургуулийн сурагчдын дийлэнх нь гэр хороололд амьдардаг. Гэр хорооллоос иргэд сайн сургууль хайж хотын төв рүү хүүхдүүдээ зөөх нь олширсон. Тиймээс хотын захад ч чанартай боловсролыг эзэмших тэгш хүртээмжийг бий болгох шаардлагатай. Энэ нь түгжрэлийг бууруулахад ч эергээр нөлөөлнө гэж хотын удирдлагууд үзжээ.