Английн Ньюкасл их сургууль, Эс судлалын төвтэй хамтран гурван жилийн турш ажилласнаар дэлхийн анхны хиймэл үрийн шингэн зохион бүтээжээ. Ирэх 10 жилийн дотор илүү төгс болгохоор төлөвлөж буй эмчилгээний үр дүнд эрчүүд арьсныхаа жижиг хэсгийг өгч хүүхэдтэй болох боломж нээгдэнэ.

Уг ажиллагааг ахалсан Карим Наерниа "ху" гормоны эрэгтэй хулганы үр хөврөлд туршилт хийжээ. Ямар нэгэн эсийн төрөлд шилжиж болох үр хөврөлийн хувьсан хөгжихийг таван өдрийн турш хүлээсэн гэнэ. Ийн хүлээсний эцэст урьдаас бэлдсэн химийн бодисыг лазерийн туяатай хослуулан үе хөврөлийг үрийн шингэний чанарт шилжүүлж чадсан байна.

Эл үрийн шингэнийг микроскопоор харахад энгийн үрийн шингэн мэт сүүл болон толгойтой байсан бөгөөд хэвийн байдалд хөдөлгөөн хийх нь анзаарагдсан байна. Судалгааны багийн ахлагч Карим Наерниа хэлэхдээ хиймэл үрийн шингэнд үр тогтоож хүүхэд бий болгож болно гэжээ. Ингэснээр хүүхдийг хиймлээр зохион бүтээх арга зам нээгдэж байгаа юм. Хэрвээ хулганад хийсэн туршилт хүний бие организмд ч биеллээ олбол ганц эрийн үр хөврөлөөр тоо томшгүй үрийн шингэн зохион бүтээж болох юм. Энэ тохиолдолд эмэгтэйчүүд эрчүүдээс ангид хүүхэдтэй болж чадах юм байна.

Түүнчлэн судалгааны багийнхан өөрсдийн зохион бүтээсэн бүтээлийг 100 хувь хангалттай гэж үзэхгүй байгаа ч ирээдүйд дутагдалтай талыг нөхөн төгс байдалд хүргэхээр төлөвлөж байгаа аж.

Б.Болортуул