“Apple” компанийг үүсгэн байгуулагч Стив Жобсын залуудаа амьдарч байсан мөн “Apple”-ийн анхны компьютеруудыг бүтээж байсан байшинг түүхийн дурсгалт газар болгохоор Цахиурт хөндий нэртэй хороо шийдвэр гаргажээ.

Уг байшин нь Лос-Альтос нутагт байдаг бөгөөд жуулчдын анхаарлыг ихээр татаж байгаа гэнэ.

Одоогоор энэ байшинг Стив Жобсын эгч нь эзэмшдэг бөгөөд түүх дурсгалын газар болгох саналыг эсэргүүцээгүй аж.

“Стив Жобс, Стив Возняк болон “Apple” компанийн бусад ажилчид энэ гэрийн гараашид цуглан хуралдаж агуу бүтээлээ туурвидаг байжээ. Дараа нь тэд Калифорни мужийн Купертино хот руу компаниа нүүлгэсэн” гэж түүний эгч хэлсэн байна.

Стив Жобс 2011 онд 56 настайдаа хорвоогийн мөнх бусыг үзүүлсэн билээ.

Х.Шинээ