"Макс Групп" сар шинийн баярыг угтан шилдэг 54 ажилтандаа амьдралын орчин нөхцөлөө сайжруулахад нь зориулан 20-40 сая төгрөгийн орон байрны урьдчилгаа олгож, нийт 1.5 ТЭРБУМ төгрөгийн хөрөнгө оруулалтыг хийлээ.

Макс Групп “ХҮН ТӨВТ” бодлогынхоо хүрээнд “Макс Гэр бүл” хөтөлбөрийг 2001 оноос хойш тасралтгүй хэрэгжүүлж буй бөгөөд энэ хугацаанд нийт 525 ажилтандаа нийт 10 ТЭРБУМ төгрөгийн орон байрны урьдчилгаа ийнхүү олгоод байна.

“Макс Групп” нь нийт 4700 гаруй ажилтнуудтай бөгөөд жил бүр тогтмол 30-40 шилдэг ажилтнуудаа 20-40 сая төгрөгийн орон байрны урьдчилгаагаар шагнаж урамшуулдаг уламжлалтай.

Энэ жилийн тухайд “Макс Групп” 2024-2025 он шилжих шинэ жилийн баярын цэнгүүн тэмдэглэх 700 сая төгрөгийн зардлыг ажилчдадаа жил бүр олгодог орон сууцны урьдчилгааны нэмэлт санхүүжилт болгон олгох шийдвэр гаргаж байсан.

Ингэснээр жил бүр 40 гаруй ажиллагсдадаа олгодог орон сууцны урьдчилгаанд нэмэлтээр 14 гаруй ажиллагсдыг хамрагдах боломж бүрдүүлж ийнхүү шилдэг 54 ажилтандаа 1.5 ТЭРБУМ төгрөгийн орон байрны урьдчилгааг гардууллаа.

Шилдэг ажилтан: Т.Батцэцэг – Макс Хүнс ХХК-ийн салбар хариуцсан менежер

Би Макс Групп-ийн “Макс Хүнс” компанид 13 жил ажиллаж байна. Тууштай үр бүтээлтэй ажиллаад орон байрны дэмжлэг авсандаа туйлын их баяртай байна. Энэ урамшуулал маань ажлаа маш сайн хийх, цаашаа өшөө их зүйлийг бүтээх маш том дэмжлэг, урам зориг өгч байгаад баяртай байна. Надад итгэж, надад ийм сайхан боломж олгосон Макс Группийн хамт олондоо баярлалаа.

Шилдэг ажилтан: Э.Шаравсамбуу – Макс Эксим ХХК-ийн түгээгч, нярав

Би 40 сая төгрөгийн орон байрны урьдчилгаатай боллоо. Залуу хүнд байрны урьдчилгаа цуглуулах том даваа байдаг. Ийм том боломж олгосон “Макс Групп”-ийн удирдлагууд нийт хамт олондоо маш их баярлалаа.  Улам их хичээж ажиллах урам авлаа.