Католик шашны тэргүүн, Гэгээн ширээт улсын тэргүүн, эрхэм дээд Пап Францис таалал төгссөнд "Гандантэгчэнлин" хийдээс эмгэнэл илэрхийлжээ. 

Эмгэнэлд, 

Монголын бурхан шашинтны төв Гандантэгчэнлин хийд нь Монголын нийт бурхан шашны сүсэгтэн олныг төлөөлөн дэлхийн Католик шашны тэргүүн, Гэгээн ширээт улсын тэргүүн, эрхэм дээд Пап Францис таалал төгссөнд гүн эмгэнэл илэрхийлж байна.

Тэрээр хүн төрөлхтний эв нэгдэл, энэрэл нигүүлсэл, энх тайвны төлөө амьдралаа зориулсан бөгөөд шашин хоорондын харилцан ойлголцол, хүндлэлийг дэмжин бэхжүүлэх үйлсэд үнэтэй хувь нэмэр оруулсан билээ.

Хүн төрөлхтнийг энэрэн нигүүлсэх ухааныг түгээн дэлгэрүүлсэн түүний үйл хэрэг сүсэгтэн олны сэтгэл зүрхэнд үүрд орших болно гэжээ.