-Хүссэн хүн бүр загвар өмсөгч болоод байдаггүй шүү дээ. Өөрөө яагаад энэ мэргэжлийг сонгох болсон юм бэ?
-Энэ мэргэжлийг сонгоход найзууд маань нөлөөлсөн. Тэдний зөвлөснөөр загвар өмсөгчдийн “Эра” төвд шал­гуу­лаад тэнцэн Эрдэнэтуяа багшийн шавь болсон юм. Анх загвар өмсөгчийн ажлыг маш хялбархнаар төсөөлдөг байсан. Гэтэл тийм биш юм билээ. Тухайлбал, загвар зохион бүтээгчийнхээ ур­ласан хувцсыг яаж үзэгчдэд хүргэх вэ, ямар хөгжмийн аянд тохируулж шаардла­гатай бол жүжиглэх хэрэгтэй гээд ихийг сурах шаард­лагатай болно.

-Өнөө жилийн шилдэг эрэгтэй загвар өмсөгчөөр тодорлоо. Хийхээр төлөв­лөсөн зүйл бий биз?
-Энэ өргөмжлөлийг хүрт­сэ­нээр илүү их хариуцлага, үүрэг хүлээлгэсэн гэж бодож байна. Цаашид загварын ертөнцөд өөрийн хувь нэмрээ оруулахын тулд хичээж ажил­лах болно.

-Өөрөө хаана ажилладаг юм бэ. Эзэмшсэн мэргэ­жил…
-Шинжлэх ухаан тех­ни­кийн их сургуулийг 2004 онд дүүргэсэн. Одоо хувийн компанид ажилладаг.

-Эрчүүд эмэгтэй загвар өмсөгчдийн адил хоолны дэглэм барих уу?
-Жингээ хадгалахын тулд мэдээж дэглэм барих үе бий.

-Хэнтэйгээ амьдардаг вэ. Аав ээж тань юу хийдэг бол?
-Аав ээж, дүүгийнхээ хамт амьдардаг. Аав хувийн байгууллагад ажилладаг. Ээж эмч. Би ээжийгээ бурхан гэж боддог. Ээж маань өдий зэрэгт хүргэж, өсгөсөн болохоор баярлалаа гэж хэлмээр бай­на.

-Хувийн амьдралаа зо­хиох талаар төлөвлөсөн зүйл бий үү?
-Одоогоор найз бүсгүй байхгүй. Тэгээд ч энэ талаар хараахан төлөвлөж амжаагүй л байна.

Ч.Ану