Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
2017 оны эхний өдрөөс эхлэн гэр хорооллын айл өрхийн шөнийн тарифыг тэглэлээ. Гэхдээ энэ шийдвэр нь гуравдугаар сарын 1-нийг хүртэл л хэрэгжинэ.
“Шөнийн тарифыг тэглэх шийдвэрийн тогтоол журам нь нэгдсэн байдлаар хараахан албажиж холбогдох байгууллагуудад ирээгүй. Гэвч шийдвэр нэгдүгээр сарын 1-нээс хэрэгждэгээрээ хэрэгжинэ. Хоёрдугаар сард нэгдүгээр сарын дараа төлбөр тооцоо гардаг учраас наана нь зохих ажлуудаа хийгээд явах боломжтой” гэсэн тайлбарыг УБЦТС ТӨХК-наас нь өглөө.
2015 оноос хэрэгжиж эхэлсэн шөнийн тарифын 50 хувийн хөнгөлөлтөд 3,2 тэрбум төгрөгийн алдагдлыг төр үүрч байсан. Харин энэ удаад Засгийн газар 25,8 тэрбумын алдагдал хүлээнэ.
Эрчим хүчний сайд П.Ганхүү “Шөнийн тарифыг тэглэхэд хоёр тарифт болон энгийн тарифт тоолуурт хэрэглэгчдээс олох байсан орлого 4,8 тэрбум төгрөг, халаагуур их хэмжээгээр нэмж залгаснаас үүсэх ачааллыг даах станцуудын нэмэлт үйлдвэрлэл, импортын өсөлтөөс 21 тэрбум төгрөгийн алдагдал үүсч байна. Энэхүү алдагдлыг Засгийн газар хариуцаад явна” гэсэн юм.
Улаанбаатар цахилгаан түгээх сүлжээ компанитай гэрээ байгуулсан гэр хорооллын өрхийн тоо 146 мянга.
“Тарифыг тэглэснээр эрчим хүчний системд үзүүлэх сөрөг нөлөөлөл гарна. Түгээх сүлжээнд хүндрэл үүсэх магадлал өндөр учраас галын аюулаас урьдчилан сэргийлсэн нийтэд чиглэсэн арга хэмжээ авах, хяналтын тогтолцоог сайжруулах, бүтэц орон тоог нэмэх ажлууд хийгдэнэ. Үнэгүй юм гээд хязгааргүй хэрэглэх ойлголт огт байж болохгүй. Цахилгааныг үйлдвэрлэлийн зориулалтаар ашиглах нөөц, чадал байхгүй учир үүнийг иргэд онцгой анхаарах шаардлагатай” гэдгийг салбарын сайд мэдэгдсэн.
Мөн дараах зөвлөмжийг хэрэглэгчдэд хүргэж байна.
Дашрамд сонирхуулахад, Ерөнхий сайд арванхоёрдугаар сарын 24-нд агаарын бохирдлыг бууруулах талаар мэдээлэл хийхдээ “2017 онд агаарын бохирдлыг бууруулахад дөрвөн тэрбум орчим төгрөг төсөвлөсөн. Цахилгаан, хийгээр дулаан үйлдвэрлэдэг технологид шилжинэ. Эхний ээлжинд гэр хорооллын өрхийн шөнийн тарифыг тэглэнэ. Агаарын бохирдлыг бууруулах төсвийн 80 орчим хувь нь цахилгааны шөнийн тарифыг тэглэх, алдагдлыг санхүүжүүлэх зэрэгт зарцуулагдана гэж мэдэгдсэн билээ.
2017 оны эхний өдрөөс эхлэн гэр хорооллын айл өрхийн шөнийн тарифыг тэглэлээ. Гэхдээ энэ шийдвэр нь гуравдугаар сарын 1-нийг хүртэл л хэрэгжинэ.
“Шөнийн тарифыг тэглэх шийдвэрийн тогтоол журам нь нэгдсэн байдлаар хараахан албажиж холбогдох байгууллагуудад ирээгүй. Гэвч шийдвэр нэгдүгээр сарын 1-нээс хэрэгждэгээрээ хэрэгжинэ. Хоёрдугаар сард нэгдүгээр сарын дараа төлбөр тооцоо гардаг учраас наана нь зохих ажлуудаа хийгээд явах боломжтой” гэсэн тайлбарыг УБЦТС ТӨХК-наас нь өглөө.
2015 оноос хэрэгжиж эхэлсэн шөнийн тарифын 50 хувийн хөнгөлөлтөд 3,2 тэрбум төгрөгийн алдагдлыг төр үүрч байсан. Харин энэ удаад Засгийн газар 25,8 тэрбумын алдагдал хүлээнэ.
Эрчим хүчний сайд П.Ганхүү “Шөнийн тарифыг тэглэхэд хоёр тарифт болон энгийн тарифт тоолуурт хэрэглэгчдээс олох байсан орлого 4,8 тэрбум төгрөг, халаагуур их хэмжээгээр нэмж залгаснаас үүсэх ачааллыг даах станцуудын нэмэлт үйлдвэрлэл, импортын өсөлтөөс 21 тэрбум төгрөгийн алдагдал үүсч байна. Энэхүү алдагдлыг Засгийн газар хариуцаад явна” гэсэн юм.
Улаанбаатар цахилгаан түгээх сүлжээ компанитай гэрээ байгуулсан гэр хорооллын өрхийн тоо 146 мянга.
“Тарифыг тэглэснээр эрчим хүчний системд үзүүлэх сөрөг нөлөөлөл гарна. Түгээх сүлжээнд хүндрэл үүсэх магадлал өндөр учраас галын аюулаас урьдчилан сэргийлсэн нийтэд чиглэсэн арга хэмжээ авах, хяналтын тогтолцоог сайжруулах, бүтэц орон тоог нэмэх ажлууд хийгдэнэ. Үнэгүй юм гээд хязгааргүй хэрэглэх ойлголт огт байж болохгүй. Цахилгааныг үйлдвэрлэлийн зориулалтаар ашиглах нөөц, чадал байхгүй учир үүнийг иргэд онцгой анхаарах шаардлагатай” гэдгийг салбарын сайд мэдэгдсэн.
Мөн дараах зөвлөмжийг хэрэглэгчдэд хүргэж байна.
Дашрамд сонирхуулахад, Ерөнхий сайд арванхоёрдугаар сарын 24-нд агаарын бохирдлыг бууруулах талаар мэдээлэл хийхдээ “2017 онд агаарын бохирдлыг бууруулахад дөрвөн тэрбум орчим төгрөг төсөвлөсөн. Цахилгаан, хийгээр дулаан үйлдвэрлэдэг технологид шилжинэ. Эхний ээлжинд гэр хорооллын өрхийн шөнийн тарифыг тэглэнэ. Агаарын бохирдлыг бууруулах төсвийн 80 орчим хувь нь цахилгааны шөнийн тарифыг тэглэх, алдагдлыг санхүүжүүлэх зэрэгт зарцуулагдана гэж мэдэгдсэн билээ.