Санал асуулгын дүнгээс үзвэл, финчүүдийн олонхи ингэж үзжээ. Нийгмийн амьдралд олон нийтийн мэдээллийн хэрэгслийн гүйцэтгэж буй үүргийн талаар финийн сэтгүүлчид, Хельсинкийн их сургууль болон "Гэллап" компани санал асуулга явуулсан байна. Нийгмийн амьдралд олон нийтийн мэдээллийн хэрэгслүүдийн үзүүлж буй нөлөө өссөн гэдэгт финчүүдийн 80 хувь, харин энэ нөлөө хэтэрхий их гэдэгт 50 хувь нь итгэлтэй байгааг судалгаа харуулсан байна. Ингэхдээ мэдээллийн хэрэгслүүд хүмүүсийн санаа бодол, тэдний улс төрийн үзэл бодлын аль алинд нөлөөлдөг гэж санал асуулгад оролцогчдын олонхи үзжээ.

Хэн мэдээллийн хэрэгслүүдэд нөлөөлдөг тухай асуултад финчүүд хариулахдаа, энэ мэдээллийн компаниудын эзэд, түүнчлэн томхон үйлдвэрийн газар, реклам өгөгчид гэж олонтоо хариулж, жирийн хүмүүс хэвлэлд нөлөөлж чадна гэж санал асуулгад оролцогчдын шалихгүй хэсэг нь үзсэн байна.

Төрийн хэвлэл финчүүдийн итгэлийг хамгийн их хүлээдэг бөгөөд юуны өмнө телевизийн "Юле" компани санал асуулгад оролцогчдоос  хамгийн өндөр үнэлгээ авсан байна.

Я.Сүхбаатар