Дорнод бүсийн Майами Хит багийн төвийн тоглогч Хассан Уайтсайд өнөөдөр Атланта Хаукс багтай хийсэн тоглолтонд гайхалтай тоглолтыг үзүүллээ.

25 самбараас бөмбөг авалт хийснээр энэ улирлын хамгийн олон самбараас бөмбөг авалт хийсэн тоглогч боллоо. Мөн 10 удаа довтолгооны самбараас бөмбөг авсан нь мөн л энэ улирлын хамгийн өндөр үзүүлэлт болсон юм.

Тус тоглолтонд Уайтсайд 19 оноог авч, 1 удаа хаалт хийсэн байна. Гэсэн ч баг нь Атланта Хаукс багт талбай дээрээ 3 онооны зөрүүтэй хожигдсон юм. Ингэснээр Майами энэ улиралд талбайдаа 5 дахь хожигдлоо хүлээсэн юм.

Энэ улиралд Уайтсайд 15.9 самбараас бөмбөг авалт дундчилж лигийг тэргүүлж байгаа бол дундаж хаалтаар 2.3 гэсэн үзүүлэлтээр лигт 2-р байранд бичигдэж байна. Майами Хит баг дараагийн тоглолтоо ирэх баасан гарагийн өглөө Милуоки Бакс багтай хийх хуваарьтай байна.

NBA-гийн 2016/2017 оны улирлын тоглолтуудыг "SPS HD" телевиз албан ёсны онцгой эрхтэйгээр шууд дамжуулж байгаа. Арваннэгдүгээр сарын 26-нд эхэлсэн сагсан бөмбөгийн топ лигийн 71 дэх улирлын 10 тоглолтоо ихэнх багууд хийгээд байгаа.

Улирлын тоглолтууд дөрөвдүгээр сарын 12-нд дуусч, плэй-оффын шат дөрөвдүгээр сарын 15-наас тавдугаар сарын 29-нд явагдах юм.

                                                                                             Эх сурвалж: SPS