Сүүлийн хоёр өдөрт огцом өссөн долларын ханш бага зэрэг буурав. Өнөө өглөөний байдлаар банкууд нэг ам.долларыг 2475 төгрөгөөр, валют арилжааны цэгүүд 2560 төгрөгөөр худалдаалж байна. Өчигдөр банкуудын ханш 2485 төгрөг байв. 

Банк бус санхүүгийн байгууллагын ханш:

Банкуудын ханш: 14:00 цагт (өчигдрийн байдлаар)

Банкуудын ханш: 16:00 цагт (өчигдрийн байдлаар)

Төгрөгийн гадаад валюттай харьцах ханш сүүлийн хоногуудад огцом суларсан. Үүнийг Монголбанк тэнцвэрт түвшнээсээ хэт хөөсөрсөн, түр зуурын шинжтэй гэж үзэв.

Монгол Улсын Засгийн газрын олон улсын санхүүгийн байгууллага, хөрөнгө оруулагчидтай хийх хэлэлцээр үр дүнтэй болж, ойрын хугацаанд санхүүжилтийн асуудал шийдэгдэхээр байна. Монголбанкнаас ханшийн огцом хэлбэлзлийг тогтворжуулахад шаардлагатай бүхий л арга хэмжээг авна гэдгээ ч мэдэгдсэн юм. 

Уг нь Монголбанк мягмар, пүрэв гарагуудад валют арилжаа явуулдаг. Ханш огцом өссөн тул өчигдөр ээлжит бус дуудлага худалдаа явуулжээ. 

Спот арилжаа: Банкууд 2450.00-2490.00 төгрөгийн ханшаар 72.4 сая ам.доллар, 358.23-364.00 төгрөгийн ханшаар 73 сая юань худалдан авах санал тус тус ирүүлсэн. Монголбанк 2450 төгрөгийн нэг ханштайгаар ам.доллар, 358.23 төгрөгийн нэг ханштайгаар юанийн саналыг тус тус 100 хувь биелүүлжээ.