Монголбанк ипотекийн зээлийн журамд өөрчлөлт оруулав. Ингэснээр банкууд эхлээд өөрийн хөрөнгөөр орон сууцны зээл олгох болж байна.

Өндөр хүүтэй Засгийн газрын бонд худалдан авахын оронд ипотекийн зээл олгох хандлага руу банкуудыг татан оруулж болно.

Монголбанк тэрхүү тайланд нь үндэслэн, сарын дараа санхүүжилтийг нь хийх аж. Өнгөрсөн есдүгээр сарын байдлаар олгосон нийт зээлийн 20 хувийг банкууд өөрийн эх үүсвэрээр олгожээ. Цаашид энэ дүнг өсгөхийн тулд арилжааны банкуудыг тодорхой бодлогоор дэмжих шаардлагатай. Жишээ нь өндөр хүүтэй Засгийн газрын бонд худалдан авахын оронд ипотекийн зээл олгох хандлага руу банкуудыг татан оруулж болно.

Учир нь ипотекийн зээл авах хүсэлтэй олон иргэн байна. Банкны шаардлагыг хангасан 6000 иргэн хэзээ эдийн засагч нь залгах бол гээд хүлээж байгаа юм.  Эзнээ хүлээж буй орон сууц ч энд тэндгүй байсаар.         

Энэ оны есдүгээр сарын байдлаар хугацаа хэтэрсэн зээлийн өрийн үлдэгдэл нийт зээлийн өрийн үлдэгдлийн 6.3 хувийг, чанаргүй зээл 8.4 хувийг  тус тус эзэлжээ. Харин ипотекийн зээлийн үлдэгдэлд эзлэх хугацаа хэтэрсэн зээлийн хувь 2.3 хувь, чанаргүй зээлийн хувь 1.1 байна. Эндээс харахад ипотекийн зээлийн эргэн төлөлт харьцангуй сайн байгаа юм.

Ипотекийн  зээлийн хамрах хүрээг тэлэх бас нэг гарц нь МИК шинэ бонд гаргах. 

Гэхдээ ипотекийн зээлийн хугацаа хэтэрсэн зээлийн дүн 2014 оны дундаас хойш ихээхэн нэмэгдсэн. Энэ нь 8 хувийн зээл олгож эхэлсэн үетэй давхцана.   

Дээрх 87925 иргэн зээлээ хугацаандаа төлөх эсэхээс зээл авахаар дараалал үүсгэсэн иргэд хэзээ шинэ байранд орох нь хамаарах боллоо. Нэг хүнд ноогдох зээлийг харвал дундаж нь 59 сая төгрөг байна. Харин банкуудын эх үүсвэрээр олгосон зээлийн дундаж нь 50 сая төгрөг буюу даруй 9 сая төгрөгөөр бага аж. Тэгэхээр банкууд багахан хэмжээний зээлийг түлхүү олгох сонирхолтой байна. 

Ипотекийн  зээлийн хамрах хүрээг тэлэх бас нэг гарц нь МИК шинэ бонд гаргах. Тэд дахин хоёр бонд гаргах хүсэлтээ СЗХ-нд сарын өмнө хүргүүлсэн. СЗХ-ны шинэ дарга С.Даваасүрэнгээс энэ талаар тодруулахад “Санхүүгийн тогтвортой байдлын зөвлөл”-өөр хэлэлцэнэ гэсэн юм. Энэ зөвлөлд Монголбанкны Ерөнхийлөгч Н.Баяртсайхан, Сангийн сайд Б.Чойжилсүрэн, С.Даваасүрэн дарга өөрөө багтдаг.         

Инфографикийг О.Сүхбат