Хөдөлмөрийн сайдын 2013 оны А/61 дүгээр тушаалаар батлагдсан “Эрүүл аюулгүй ажлын байрыг эрхэмлэгч байгууллага” болзолт уралдааныг 2011 оноос жил бүр улсын хэмжээнд өрнүүлж байна.

Хөдөлмөр, нийгмийн хамгааллын сайдын нэрэмжит шагналыг шилдэг байгууллгад гардуулдаг юм. Уралдаан үйлдвэрлэлийн орчин нөхцлийг сайжруулж, ажилчдыг ажлын байран дахь осол, мэргэжлээс шалтгаалсан өвчлөл, бусад эрсдлээс хамгаалах, урьдчилан сэргийлэх чиглэлээр аж ахуйн нэгж, байгууллагаас явуулж буй үйл ажилллагаа, санаачлагыг урамшуулан дэмжих, туршлагыг нь дэлгэрүүлэх зорилготой .

Аж ахуйн нэгж байгууллагуудыг

• “Жижиг” (50 хүртэл ажилтантай),
• “Дунд” (51-199 ажилтантай),
• “Том” (200-аас дээш ажилтантай) гэсэн гурван ангиллаар, ангилал тус бүрд гурван байгууллагыг шалгаруулж алдаршуулдаг уламжлалтай.

Тус болзолт уралдаанд оролцсоноор үйлдвэр, байгууллагын хөдөлмөрийн аюулгүй байдал, эрүүл ахуйн асуудал сайжрхаас гадна ХАБЭА-н ажлын талаар шинэлэг санаачлага, хийгдсэн ажлын дадлага туршлагаа олон нийтэд түгээн дэлгэрүүлэх, сурталчилах боломж бий болно.

Шагналын сан 13.5 сая төгрөг
“Том” үйлдвэр, аж ахуйн нэгж байгууллага
• 1-р байр. Нэг. Өргөмжлөл. 2.5 сая төгрөг
• 2-р байр. Нэг. Өргөмжлөл. 2 сая төгрөг
• 3-р байр. Нэг. Өргөмжлөл. 1.5 сая төгрөг

“Дунд” үйлдвэр, аж ахуйн нэгж байгууллага
• 1-р байр. Нэг. Өргөмжлөл. 2 сая төгрөг
• 2-р байр. Нэг. Өргөмжлөл. 1.5 сая төгрөг
• 3-р байр. Нэг. Өргөмжлөл. 1 сая төгрөг

“Жижиг” үйлдвэр, аж ахуйн нэгж байгууллага
• 1-р байр. Нэг. Өргөмжлөл. 1.5 сая төгрөг
• 2-р байр. Нэг. Өргөмжлөл. 1 сая төгрөг
• 3-р байр. Нэг. Өргөмжлөл. 0.5 сая төгрөг

Хөдөлмөрийн аюулгүй байдал, эрүүл мэндийн төв нь 2016 оны буюу 6 дахь удаагийн шалгаруулалтыг зохион байгуулж байгаа бөгөөд шалгаруулалтанд оролцох байгууллагын материалыг 2016 оны 11 сарын 15-ны 16 цагийн дотор тус төвийн Хөдөлмөрийн аюулгүй байдал, эрүүл ахуйн газарт хүлээн авч байна.