Автомашины шилний те­нийг хуулах ажил дахин өр­нөхөөр болжээ. Дахин гэдгийн учир нь урьд нь Замын цаг­даагийн газраас ийм аян зо­хиож байсан. Тэгвэл энэ удаад жолооч нар уг шаард­лагыг хэзээ бие­лүүл­эх хүртэл тень хуулах юм байна. Энэ та­лаар Замын цагдаагийн газрын бүртгэл техни­кийн хэлт­сийн дарга Д.Мөнх­­баа­тар­тай уулзаж тодрууллаа.

-Ямар учраас тень хуу­лахаар болов?
-Автомашины шилний тень гэдэг бол нэгдүгээрт замын хөдөлгөөний дүрэмд харшилдаг. Үзэгдэх орчинд сөргөөр нөлөөлнө. Нөгөөтэй­гүүр гэмт хэрэг явагдах нөх­цө­­­­лийг бүрдүүлж байгаа юм. Саяхан гэхэд таксинд дээр­мийн хэрэг гарсан. Тиймээс эхний ээлжинд нийтийн тээв­рийн хэрэгсэлд энэ шаард­лагыг тавина. Дараа нь хар теньтэй хувийн автомашины асуудлыг цэгцэлнэ.

-Автомашин ху­вийн өмч. Тиймээс үүнд халдах нь хэр зохимжтой вэ?
-Энэ бол жолоочийн өөрийнх нь төлөө хийж байгаа ажил гэдгийг ойлгох хэрэгтэй. Харин нөгөө талаас цагдаа нарын хараа хяналт сайжир­на.

-Урьд нь тень хуулах аян явагдсан. Энэ ажил дуусангуут жо­лооч нар багагүй үнэ өрт­гөөр эргээд үүнийг наасан. Гэтэл өнөөх наалтыг нь өнөөдөр дахиад хуулж бай­на. Та нар цаад тень наадаг газруудад биз­нес хийж бай­­­­гаа зүйл юм биш биз?
-Тийм биш гэдгийг жолооч нар сайн ойлгох хэрэгтэй шүү. Ер нь жолооч өөрийн­­­хөө эзэмшлийн өм­чиндөө тень наах нь хоёр учир шалт­гаантай. Харшилтай хүмүүс нарнаас хамгаалах хаалт болгон үүнийг наадаг бол нөгөө хэсэг нь дээрмийн шинж чанартай ч гэх юм уу ямар нэг зорилго агуулдаг. Уг нь гадаадын орнуудад тень мэдрэгч багаж байдаг. Тэр нь замын хөдөлгөөнд саад болох эсэх, стандартад нийцсэн зэргийг нь тодорхойлдог гэ­сэн. Гэтэл өнөөдөр манайд тийм багаж байхгүй болохоор тэрийг мэдэх аргагүй. Тэ­гэ­хээр битүү хар тенийг хуулж л таарна.

-Тэгвэл үйлдвэрээсээ наалттай ирж байгаа тенийг хуулах уу?
-Үгүй ээ. Яагаад гэвэл тэдгээр нь стандартад нийц­сэн байдаг л даа.

М.Мөнхцэцэг