Хүүхдийн төв сувиллын нээлттэй хаалганы өдөрлөг энэ баасан гаригт зохион байгуулахаар болжээ.

Эрүүл мэндийн яамны харьяа Хүүхдийн төв сувилал нь улсын хэмжээнд асран хамгаалагчгүй 0-3 насны болон хөгжлийн бэрхшээлтэй хүүхдүүдийг асрах, нийгмийн эмзэг бүлгийн хоол тэжээлийн дутагдалтай, тураал, цус багадалт, сульдаа өвчтэй хүүхдүүдийг сувилах, дутуу төрсөн нярайг торниулах зэрэг үйлчилгээ явуулдаг улсын хэмжээний байгууллага юм.

Хүүхдэд сувилахуйн тусламж үйлчилгээний цар хүрээг өргөжүүлэх зорилгоор амбулаторийн үйлчилгээ, гүйцэд нярайг сувилах үйлчилгээг шинээр хэрэгжүүлээд байна.

Өдөрлөг баасан гаригт 10.00-14.00 цагт болох бөгөөд байгууллагын үйл ажиллагааг танилцуулах, хүүхдийн хоолны амталгаа хийж, хоол хийх технологи заах аж.