Монголын Хөлбөмбөгийн Холбооны талбайн улирал өндөрлөх дөхсөн үед оройн тоглолтууд дуусахаас өмнө гэгээ тасарч, бүд бад орчинд тоглолтууд явагддаг байсан асуудал шийдэгдлээ.

Өнгөрсөн жил МХБХ-ны санаачлагаар орой үдшийн цагаар цэнгэлдэхээ ашиглах, үзэгчдийг татах, цаг агаарын таатай нөхцөлд том тэмцээн уралдаанаа явуулах үүднээс хамгийн чухал нэн тулгамдаад байсан гэрэлтүүлгийн асуудлаа ОУХБХ-нд "Гэрэлтүүлгийн төсөл" болгон өргөн барьсан билээ.

Улмаар ОУХБХ зүгээс уг төслийг дэмжиж өнөөдөр МХБХ-ны Цэнгэлдэх хүрээлэн гэрэлтэй боллоо. Ингэснээр ирэх жилээс МХБХ-ны Цэнгэлдэхэд оройн цагаар тоглолтууд явагдах бүрэн боломжтой болж байна.