Контакт линзийг хэчнээн цаг зүүх вэ гэдэг нь хүн бүрт харилцан адилгүй байдаг аж. Тиймээс контакт линз зүүх цагийн хуваариа нүдний эмчийн зөвлөсний дагуу баримтлаарай.

Мөн линзийг гаргасны дараа савыг нь байнга хоосолж, тусгай уусмалаар арчиж, бүрэн гүйцэт хатаах хэрэгтэй аж. Харин хэрэглэсэн линзээ сайтар цэвэрлэсний дараа саванд нь хийж, тусгай уусмалыг далд ортол нь дүүргээд, сайтар таглах ёстой.

Учир нь линз тусгай уусмалд бүрэн дэвтэх хүртлээ дөрвөн цаг болдог байна. Зөөлөн, хатуу, хагас хатуу линз тус бүрт өөр өөр бодисуудыг хэрэглэдэг. Гэхдээ линзний төрлөөс үл хамааран арчилгааны тусгай бодисуудыг өглөө, орой тогтмол сольж байх хэрэгтэй аж.