АНУ-ын Детройт хотын нэгэн зоогийн газрын эзэн Стив Мэлли 60 килограмм жинтэй гамбург хийжээ. Тэрээр ярихдаа “Энэ гамбург нь дэлхийн хамгийн том гамбург. Ингэснээр дэлхийн дээд амжилтыг тогтоосон хэмээн үзэж байна” гэв. Гамбургийг худалдан авч болох бөгөөд 350 ам.дол­ла­раар үнэлсэн байна. С.Мэлли түүнийг хийхдээ 12 цаг зар­цуулж, тээвэрлэхэд гурван хүн оролцсон бөгөөд үхрийн мах, гахайн утсан мах, бяслаг орсон гэнэ. Зоогийн газрын эзэн энэ тухай сэтгүүлчдэд ярихдаа “Би зөвхөн миний гамбург том бөгөөд маш амттай гэдгийг л харуулах гэсэн юм” гэв. Энэ нь дэлхийн дээд амжилт мөн эсэхийг тогтооход хэдэн долоо хоног шаардагдах юм. Одоогийн байдлаар өнгөрсөн онд Пенсильвани мужид 56 килограммын жинтэй гамбург хийсэн. Энэ нь дэлхийн дээд амжилт болж байжээ.