Төв цэнгэлдэх хүрээлэнд баяр наадмын нээлтийн ажиллагаа ёслол төгөлдөр эхэллээ. Төрийн ордноос залсан есөн хөхөлт цагаан тугийг хүндэт харуулууд цэнгэлдэхийн голд байрлууллаа.

Дараа нь Монгол Улсын Ерөнхийлөгч Ц.Элбэгдорж  уламжлал ёсоор үг хэлсэн юм.

-Тулгар төрийн 2225, Их Монгол Улсын 810, Ардын хувьсгалын 95 жилийн ой, Үндэсний их баярын мэндийг наадамчин олондоор өргөн дэвшүүлье.

Манай үндэсний наадам бидэнд өвлөсөн их соёл юм. Монголчуудын бүтээсэн гайшхамшигт соёл, ёс заншлын ундарга эх булаг юм. Наадмын өмнө төрийн ээлжит сонгууль боллоо. Засгийн газрын бүрэлдэхүн өөрчлөгдөн шинэчлэгдлээ. Сорилт бүхэн хариулт, шийдлээ хүлээж байна. Монголчууд бид нэг эх оронтой. Хүн бүр дор бүрнээ ажилдаа хичээн, урагшаа тэмүүлж ажиллацгаая.

Эрхэм наадамчдаа, үндэсний баяр наадмыг би найм дахь удаа нээж байна. Найман хүү төрүүлж өсгөсөн малчин хүний хүүгийн хувьд энэ их буянд сүсэглэн, Монгол түмний босоо хийморьт үеийн үед залбирч явах болно.

Энэ жилийн наадам өргөн дэлгэр болж байна. Газрын хол, усны уртаас олон зочин ирлээ. Ази, Европын гийчид Монголын зүг жолоо залж байна. Түоүүч нь ирж, ар араасаа уяан дээр байна. Монголчуудаа ажлаа сайн хий,ж өндөр дээд зочдоо хүндэлтгэлтэй угтъя.

Дэлхий Монгол наадмын сонихрож байна.

Харваачдын маань  цэц улам ончтой байг. Зон олон Монолчууд заяа тэгш сайхан наадаг. Өндөр төрийн минь их цагаан туг улам их цэнгэн баясаг.

Монгол наадам эхэлж байгааг даяар олноо тунхаглан зарлая.

ХУРАЙ ХУРАЙ ХУРАЙ