Улсын онцгой комисс өчигдөр хуралдаж Улсын баяр наадам болоод цаг агаарын байдал, үер усны асуудлаар ярилцаж салбар бүрт иргэдэд мэдээлэл хүргэх үүрэг даалгаварыг өгсөн. Үүнтэй холбоотойгоор ЭМСЯ-ны Нийгмийн эрүүл мэндийн хүрээлэнгийн захирал Б.Цогтбаатар, Эмнэлэгийн тусламжийн хэлтсийн дарга Я.Амаржаргал, Шуурхай удирдалагын албаны дарга Д.Нарангэрэл нар ард иргэдэд эрүүл мэндийн зөвлөмж, зөвөлгөөг сэтгүүлчдээр дамжуулан хүргэлээ.

Үндэсний баяр наадмын үеэр олон хоног амрахтай холбогдуулан иргэд голын эрэг дагуу ихэвчлэн салхинд гардаг. Энэ үеэр хүүхэддээ тавих хараа хяналт сулран наршилт, хордлого болох тохиол их байдаг. Мөн зам тээврийн асуудал, үер усны аюул зэргээс сэрэмжлэх үүднээс дараах зөвлөмжүүдийг хүргэж байна.

Баяр наадмын үеэр яаралтай тусламжийн эмнэлэгийн байгууллагууд ажиллах тул иргэд та бүхэн ямар нэгэн асуудал үүссэн тохиолдолд дур мэдэн эмчилгээ хийлгүйгээр эмнэлэгийн байгууллагад заавал хандаарай.