"Нетфликс"-ийн бүтээл “Марко Поло” цувралын 10 ангитай хоёрдугаар бүлгийн трейлер цацагдлаа.  Энэхүү бүтээл долоодугаар сарын 1-нээс эхлэн "Нетфликс"-ээр цацагдах юм.

Тус кинотөсөлд нийтдээ 70 гаруй монгол хүн оролцсоноос зургийн талбайд 40 гаруй хүн ажилласан байна. Монголоос гурван жүжигчин тоглосон бөгөөд орлон тоглогч, олны хэсэг, дуучин, бүжигчин, орчуулагч, бөмбөрчид, хөгжимчид, зохион байгуулах багийнхан  ажилласан талаар продюсераар ажилласан жүжигчин М.Оргил мэдээллээ.

Тус киноны Хубилай хааны дүрд Их Британийн жүжигчин Бенедикт Вонг, Марко Пологийн дүрд Лоренцо Рикельми нар тоглосон билээ.

Тус компани дэлхий даяар үйлчилгээгээ нэвтрүүлж, БНАСАУ, БНХАУ, Крым, Сири зэрэг орнуудаас бусад бүх оронд кино, телевизийн цуврал, баримтат кино, хүүхэлдэйн кино гэх мэт контентуудыг үзэх боломжтой ажээ.