Монголын худалдаа аж үйлдвэрийн танхимын (МХАҮТ) тэргүүн С.Дэм­бэ­рэл, Иргэний Зориг намын (ИЗН) дарга С.Оюун нар ирэх дөр­вөн жилд хамтран ажил­лах санамж бичигт өнгөрсөн баасан гаригт гарын үсэг зурлаа.

МХАҮТ-аас санаачилсан хамтын ажиллагааны санамж бичгийн зорилгод эдийн зас­гийн тогтвортой өсөлтийг хангах, бизнес, хөрөнгө оруу­лалтын таатай орчин бүр­дүүлэх, төр ба хувийн хэвш­лийнхний бодит түншлэлийг хэрэгжүүлэх, ажлын байр нэмэгдүүлж ядуурлыг буу­руулах, жижиг дунд үйлд­вэрлэл, аж үйлдвэржилтийн эрчимтэй хөгжлийг дэмжих зэрэг асуудал багтсан байна. Мөн зах зээлийн чөлөөт тог­толцоог тууштай хөгжүүлэх эрхзүйн болон инсти­туцио­наль бүтцийг төгөлдөржүүлэх зорилго заагджээ. МХАҮТ, ИЗН-ын 2008-2012 онд хамт­ран ажиллах чиглэл нь төрийн захиргааны шинэтгэл, үйлд­вэр­лэл, эдийн засгийн бод­лого, хөдөлмөр эрхлэлтийн талаар хэрэгжүүлэх, байгаль орчны бодлого, боловсролын салбарын бодлогууд байх юм.

Санамж бичигт гарын үсэг зурах үеэр ИЗН-ын дарга, УИХ-ын гишүүн, Гадаад хэр­гийн сайд С.Оюун "Танхимын санаачилгыг дэмжиж мөн талархаж байна. Бизнесийн орчин эрүүл, шударга бус улс орон хөгжих боломжгүй. Иймд хувийн хэвшил амжилттай хөгжихийн тулд эн түрүүнд бизнесийн орчин дахь төрийн дарангуйлалт оролцоог халах хэрэгтэй. Үүнийг улстөрчдөд ойлгуулахаас санамж бич­гийн агуулгын бодит хэрэг­жилт эхэлнэ. Учир нь улстөр­чид нийгмээсээ, түүн дотроо бизнес эрхлэгчдээсээ хоц­рог­доод байна уу гэсэн шүүмжлэл гардаг нь нууц биш" гэж хэллээ.