Хэдэн жилийн өмнөөс манайд мэдээлэл харилцааны салбар эрчтэй хөгжиж байгаа билээ. Саяхан л монголчууд гар утас, шилэн кабелийн тухай мэддэггүй байсан гэхэд хилсдэхгүй байх. Гэтэл одоо 707 гаруй мянган хүн гар утас хэрэглэдэг бөгөөд өрдөө жилийн өмнө үүрэн телефоны ганцхан оператортой байсан бол үүрэн телефоны дөрвөн ч компанитай болжээ. Үүний дүнд хэрэглэгчид суурин телефоны нягтралаас салж энэ чиглэлийн бизнесийн байгууллагууд хоорондоо хүчтэй өрсөлдөж иргэдийн эрэлт хэрэгцээг хангаж байна.
Сүүлийн үеийн тоогоор суурин телефон хэрэглэгчдээс үүрэн телефон хэрэглэгчдээс тав дахин өссөн дүн гарчээ. Тиймээс ч минутын ярианы үнэ 2004 оныхтой харьцуулахад өнгөрсөн онд 25-65 хувь хүртэл доошилсон байна. Түүгээр ч барахгүй дараа жил гэхэд 200 гаруй сумын иргэд гар утсаар ярьдаг болох гэнэ. Түүнчлэн Засгийн газраас хэрэгжүүлж буй эрчим   хүчний эх үүсвэртэй хүн ам төвлөрсөн газар сургууль айл бүрийг компьютержүүлэх ажил ид дундаа явж байна.
Хоёр жилийн өмнө эхлүүлсэн энэ ажил 21 аймгийн төвийг холбосон шилэн кабелийн сүлжээг өргөжүүлж, хөдөөгийн хэрэглэгчдийг мэдээллээр тасралтгүй хангах аж.
Одоогоор манай улсыг хэрсэн шилэн кабелийн урт 7300 км, бүх аймгууд, 70 гаруй суманд хүрсэн гэнэ. Энэ нь Засаг даргын Тамгын газар, арван жилийн сургууль, эмнэлгүүд өндөр хурдаар мэдээлэл солилцох боломжтой болжээ. Тухайлбал, Улаанбаатар-Лүнгийн 260, Дашинчилэн-Булганы 140, Эрдэнэт-Чойрын 700, Мөрөн-Баян-Өлгийн 1600, Арвайхээр-Даланзадгад, Мандалговьд 700 гаруй км шилэн кабель тавьжээ. Ийнхүү манай улсад мэдээлэл, харилцаа холбооны байгууллагын 19 хувь нь сүлжээ, есөн хувь нь электроник, 14 нь харилцаа холбоо, 21 хувь нь мэдээлэл технологийн чиглэлээр ажиллаж байна.