Монгол Улсын Эрүүл мэнд, спортын яам болон Япон Улсын Нагояагийн Их сургууль хооронд хамтын ажиллагааны “Санамж бичиг” байгуулах ёслолын ажиллагаа өчигдөр боллоо.

Тус сургууль эрүүл мэндийн салбарын төрийн албан хаагчдыг  мэргэшүүлэх бэлтгэхэд  ихээхэн дэмжлэг үзүүлсээр иржээ. Тодруулбал, 2003 оноос эхэлсэн “Залуу манлайлагч” тэтгэлэгт хөтөлбөрт 16 хүн суралцсан байна.

Дээрх хүмүүс сургуулиа төгсөж ирээд эрүүл мэндийн яам болон бусад байгууллагуудад тэргүүлэх байр сууринд  ажиллаж байгаа аж.

ЭМСЯ-ны Төрийн нарийн бичгийн дарга С.Ламбаа санамж бичиг байгуулах ёслолын үеэр цаашдаа суралцаад ирсэн мэргэжилтнүүдээ цаашид  тус сургуульд эрдмийн зэрэг цол хамгаалах боломжтой гэж үзэж байгаа учраас  энэ тал дээр анхаарч хамтран ажиллах хүсэлтийг тавьжээ.