Сингапур гурав дахь жилдээ дараалан дэлхийн хамгийн үнэтэй хотоор тодорлоо.

Их Британийн судалгаа-шинжилгээний Economist Intelligence Unit байгууллагаас явуулсан судалгаанд дэлхийн 133 хотыг хамруулсан байна.

Хамгийн үнэтэй хотуудын жагсаалтыг гаргахдаа 160 гаруй шаардлага, үзүүлэлтээр дүгнэжээ. Үүнд бүтээгдэхүүн, хоол хүнс, хувцас хэрэглэл, өдөр тутамд зарцуулах байр түрээс, автомашины хэрэглээ, татвар, нийтийн тээврийн үнэ зэргийг оролцуулсан байна.

Тухайлбал Сингапурын нийтийн тээврийн хэрэгсэл Нью-Йорктой харьцуулахад 2.5 дахин үнэтэй аж.

Жагсаалтын удаах байруудад Швейцарын Цюрих, Хонконг, Женев, Парис хотууд оржээ. Тэгвэл Замбийн нийслэл Лусака, Энэтхэгийн Мумбай, Бангалор хотууд хамгийн ядуу хотын тоонд оржээ.

Эх сурвалж: ВВС