Хайр яаж сонсогддог бол…? Магадгүй таны үслэг бяцхан муужгайн зөөлөн бөгөөд намуухан хиржигнээн ч байж мэднэ. Энэ нь түүний хайраа илэрхийлж буйн нэг хэлбэр. 

Тэр намуухан чичиргээ зүгээр ч нэг чимээ биш, шинжлэх ухаанаар батлагдсан “эмчилгээ”. Хиржигнээн нь хүний стрессийг бууруулж, зүрхний цохилтыг тогтворжуулж, тайвшруулах дааврыг идэвхжүүлдэг. Хэдхэн секундэд л таны сэтгэл намжиж, амьсгал жигд болно. Өвөр дээр муур 10–15 минут  хиржигнэж байснаар хүний стрессийн даавар буюу кортизолын түвшин мэдэгдэхүйц буурдаг гэсэн судалгаа бий.

Харин бидний хувьд?
Дуртай дуугаа эхлүүлэхэд бидэнд яг ийм мэдрэмж төрүүлж болно. Хөгжмийн эхний аялгуунаас л таны оюун бодол цэгцэрч, чангарсан бие сулран, толгойд байсан үй түмэн бодлууд алгуур сарниж эхэлнэ. Хөгжим бол бидний дотоод “хиржигнээн" буюу сэтгэл анагааж, ганцаардлыг багасгаж, жаргал нэмж, амьд оршиж буйг мэдрүүлэх гээд ер нь хүний сэтгэл санааг таатай болгох бүхий л мэдрэмжийг агуулж байдаг.

Хүмүүс хөгжимд дурладаг нь зүгээр нэг хобби биш. Энэ бол бид өөрийгөө эдгээх, өөртөө амар амгаланг олгох эртний арга. Яг л муур өөрийгөө болон бусдыг тайвшруулах хиржигнээн шиг. Тэгэхээр хайр заримдаа таны үслэг амьтны хиржигнээн шиг, эсвэл таны дуртай дуу шиг ч сонсогдож болох юм.

SONSY тун удахгүй...