Францын Societe Generale банк дахин "дээрэмдүүлжээ". Учир нь, өнгөрсөн сард тус банкны ажилтан Жером Кервьелийн зохион байгуулсан будлианы улмаас Societe Generale нийт 7.53 тэрбум ам.долларын хохирол амссан талаар шуугиан намжиж амжаагүй байтал Туркийн үнэт эдлэлийн "Goldas" үйлдвэр Францын банкны 15 тонн алтыг алга болгож, "голыг нь харлуулав".

Тус банкны удирдлага "Goldas" компанид шилжүүлсэн 15 тотнн алтан гулдмай нь хаачсаныг яаралтай тодруулж өгөхийг Туркийн Засгийн газраас хүссэн тухай АР мэдээлэв. Харин томоохон хэрэгт унаад буй "Goldas" компанийнхан алт хүлээж аваагүй хэмээн "гүрийж" байгаа бөгөед Societe Generale банкны мэдэгдлийг үндэслэлгүй гүтгэлэг гэж зарлалаа.

"Goldas" нь Турк улсын алтны импортын 60 гаруй хувийг хангадаг үнэт эдлэлийн үндэсний томоохон компани ба Францын банктай таван жил орчим хамтран ажиллаж буй юм.

Б.Наранбаатар