Олон улсын авлигын индексийн жагсаалтыг жил бүр гаргадаг Транспэрэнси Интернэшнл байгууллага 2015 оны судалгааны дүнг дэлхий нийтэд танилцууллаа.

Энэ жилийн судалгаанд 168 орон хамрагдснаас олон улсын авлигын үзүүлэлтээр Монгол улс 39 оноотойгоор 72 байрт жагслаа.

Энэ нь өнгөрсөн оныхоос найман байраар урагшилсан үзүүлэлт юм.

Өнгөрсөн онд манай улс 39 оноотойгоор 175 орноос 80 дугаар байрт жагссан. Түүнчлэн

• 2013 онд 38 оноотойгоор 83 дугаар байрт
• 2012 онд 36 оноотойгоор 94 дүгээр байрт тус тус жагсаж байжээ.

Шинжээчид улс орнуудын улс төрийн бодлого шийдвэр, эдийн засгийн эрсдэл, хуулийн боловсруулалт, хэрэгжилт олон үзүүлэлтийг харгалзан шалгаруулдаг  байна.

Авлигын индексийг 0-100 оноогоор дүгнэсэн бөгөөд оноо бага байх тусмаа авлигад их автсан, харин их байх тусмаа авлигаас ангижирсан гэж үздэг юм.

Авлига багатай орны тоонд Дани /91 оноо/, Финлянд /90 оноо/, Швед /89 оноо/ улсууд тэргүүлж байгаа бол Сомали /8 оноо/, Умард Солонгос /8 оноо/, Афганистан /11 оноо/ гэсэн гурван улс авлига ихтэй улсаар тодрон сүүл мушгижээ.

Эх сурвалж: Transparency.org