Францын нийслэл Парис хотноо жүдо бөхийн олимпийн эрхийн өндөр оноо олгох “Их дуулга” тэмцээнд Монголын шигшээ баг бүрэн бүрэлдэхүүнээрээ барилдахаар болжээ. 

Хоёрдугаар сарын 6-нд Парисын "Их дуулга" энэ оны олимпийн эрхийн оноо олгох анхны тэмцээн.

Эрэгтэй 60 кг-д дэлхийн аварга Г.Болдбаатар, дэлхийн аваргын мөнгөн медальт Д.Амартүвшин, 66 кг-д ОУХМ Д.Төмөрхүлэг, Д.Алтансүх, 73 кг-д С.Ням-Очир, ОУХМ Г.Одбаяр нар оролцоно.  

81 кг-д ОУХМ О.Ууганбаатар, Н.Дагвасүрэн,  90 кг-д Л.Отгонбаатар барилдана.  

-100 кг-д  олимпийн аварга Н.Түвшинбаяр, +100-д ОУХМ Ө.Дүүрэнбаяр, Б.Тэмүүлэн нар мэдүүлгээ явуулжээ.

Эмэгтэйчүүдийн 48 кг-д дэлхийн аварга М.Уранцэцэг, 52 кг-д М.Бундмаа, 57 кг-д Д.Сумьяа,  63 кг-д Ц.Мөнхзаяа, ОУХМ Ц.Цэрэннадмид,  70 кг-д Ц.Наранжаргал, 78 кг-д ОУХМ П.Лхамдэгд,  +78 кг-д О.Жавзмаа нар зодоглоно.

Монгол Улсын шигшээ багийн ахлах дасгалжуулагч О.Балжинням, Х.Эрдэнэт-Од, Г.Дашдаваа, Х.Цагаанбаатар нар "Их дуулга"-д тамирчдаа дасгалжуулна.