Индонезийн нийслэл Жакарта хотын төв гудамжинд зургаан удаагийн цуврал дэлбэрэлт болсон гэж ВВС дамжууллаа.

Эхний халдлага орон нутгийн цагаар 11.00 цагийн үед "Саринах Тхамрин" худалдааны төвд болсон байна. Энэ дүүрэгт томоохон зочид буудлууд, худалдааны төвүүд болон Элчин сайдын яамдууд байрладаг юм.

Дэлбэрэлтийн улмаас зургаан хүн амиа алдсан бөгөөд тус дүүрэгт одоог хүртэл буун дуу сонсогдож байгаа гэж Нийслэлийн цагдаагийн газрыг иш татан Reuters мэдээллээ.

Дэлбэрэлтийн дараа гэмт этгээдүүд болон цагдаа нарын хооронд буудалцаан эхэлжээ. Дэлбэрэлт болсон дүүрэгт онц байдал зарлаж, цагдаа нарын хамгаалалтад авсан байна. Мөн иргэдийг гэрээсээ гарахгүй байхыг зөвлөж байгаа юм.

Дэлбэрэлтийг хэн үйлдсэн нь албан ёсоор тодорхой болоогүй байгаач Жакарта хотын цагдаагийнхан амиа золиослогч нар тэсрэх төхөөрөмжийг дэлбэлсэн бөгөөд халдлагад 10-14 босогч оролцсон гэж мэдээллээ.