Oculus VR төхөөрөмжийн гар удирдлага болох Touch энэ оны эхний улиралд худалдаанд гарах байсан хэдий ч хоёрдугаар хагаст худалдаанд гарахаар болжээ.

Компани өөрсдийн цахим хуудастаа “Touch төхөөрөмжийг сайжруулах, төгс болгохын тулд бид худалдаанд гарах хугацааг нь хойшлуулж байна. Бид 2016 оны сүүлийн хагаст төхөөрөмжөө хэрэглэгчдийн гарт хүргэх бөгөөд худалдаанд гарахаас хэдэн сарын өмнө урьдчилсан захиалга авч эхэлнэ” гэжээ.

VR технологийн хөгжлийг хурдасгаж буй Oculus компани гар удирдлагаа илүү эвтэйхэн, илүү бат бөх болгохоор ажиллаж байгаа аж. Харин гарын хөдөлгөөн таних систем нь тун давгүй болсон гэж мэдэгджээ.

2015 оны сүүлээр худалдаанд гарахаар төлөвлөж байсан Oculus Rift VR төхөөрөмж хүртэл энэ онд худалдаанд гарахаар болсон. Гэвч одоог хүртэл яг хэзээ, ямар үнэтэйгээр худалдаанд гарах нь тодорхойгүй хэвээр байгаа юм.

Хэдийгээр Touch төхөөрөмж худалдаанд гарах болоогүй боловч Oculus Rift худалдаанд гарахдаа Xbox One төхөөрөмжийн удирдлагатайгаар хэрэглэгчдийн гарт хүрэх аж.

Тэгвэл дээрхтэй ижил төхөөрөмж бүтээж буй HTC компанийн Valve-тай хамтран бүтээсэн Vive төхөөрөмж 2016 оны дөрөвдүгээр сард худалдаанд гарахаар болсон юм.

Эх сурвалж: MASHABLE