“The Beatles” хамтлагийг шүтэн бишрэгчид энэ өдрүүдэд эмгэнэлтэй нэгэн өдрийг эргэн санаж байна. Яг 35 жилийн тэртээ хамтлагийг үүсгэн байгуулагч Жон Леннон гэрийнхээ ойролцоо Нью-Йорк хотноо буудуулсан билээ. 

Алуурчин гэмт үйлдлийнхээ өмнө Ленноны гарын үсгийг авсан байдаг. Хийсэн хэргийнхээ төлөө тэрээр бүх насаараа хоригдох ял сонссон бөгөөд хугацаанаас өмнө суллагдах хүсэлтийг нь найман удаа буцаасан юм.

Энэ жил Жон Ленноны анхны гэргий байсан 75 настай Синтия Пауэлл нас барсан аж. Харин өдгөө 82 настай Йоко Оно бэлэвсэн эхнэр хэвээр. Тэрээр алагдсан нөхрийнхөө чандрыг Нью-Йорк хотын Төв цэцэрлэгт хүрээлэнд цацсан түүхтэй. 

Жон Леннон зөвхөн хөгжимчин гэдгээр бус улс төрийн идэвхтэн гэдгээр алдартай байсан юм. Өөрийн үзэл бодлоо тэрээр дундаа, олон нийтийн өмнө үг хэлэхдээ байнга илэрхийлсээр ирсэн. Алдарт “Imagine” дуундаа тэрээр төгс төгөлдөр ертөнцийн тухай, өөрийнхөө төсөөллийн тухай өгүүлсэн байдаг. “Ертөнцийг улс орнууд гэж бид хуваагаагүй гээд төсөөлдөө. Алагдах шалтгаан байхгүй, бусдыг ч алах хэрэггүй. Дэлхий дээрх бүх хүмүүс ахан дүүс гээд төсөөлдөө...” хэмээн Леннон дуулдаг байлаа.

Эх  сурвалж: Svpressa.ru