Монголын жүдочдоос өнөөдөр -100кг-д Найдангийн Түвшинбаяр аварга барилдаж байгаа.

Тэрбээр эхний тойрогтоо хийлж дараагийн тойрогтоо Тажекстаны Сайдовыг юүко үнэлгээгээр яллаа.

Дараагийн тойрогт 2014 оны дэлхийн аварга, Токио, Парисын Их дуулгын аварга Чехийн Лукас Крпалектэй барилдлаа. Барилдааны үндсэн цаг нэг, нэг торгуулиар өндөрлөж нэмэлт цаг эхлээд 16 секундэд Н.Түвшинбаяр аварга юүко үнэлгээгээр ялж хэсгийн аваргын төлөө барилдахаар болсон.

Хэсгийн аваргын төлөө 2014 оны Токиогийн Их дуулгад түрүүлсэн БНСУ-ын тамирчин Чо Гухамтай барилдаж цэвэр ялагдснаар торгуулийн барилдаан хийхээр боллоо.

Өнгөрсөн жил Инчёны Азийн наадмын хоёрдугаар тойрогт Чо Гухамыг Н.Түвшинбаяр аварга вазари үнэлгээгээр ялсан удаатай. 

Н.Түвшинбаяр аварга торгуулийн барилдаанд Казахстаны Максим Раховтой барилдах байсан ч дэвжээнд гарч ирсэнгүй.

Шүүгч Максим Раховт ялалт зааж тэрбээр хүрэл медалийн төлөө барилдахаар боллоо.