Био түлшний их хэмжээгээр үйлдвэрлэхээс байгальд учрах сөрөг үр дагавар нь түүний нааштай талаас давж мэднэ. Эрчим хүчний байж болох энэ эх сурвалжийг үйлдвэрлэж, хэрэглэхээс экологид үзүүлж болох иж бүрэн нөлөөллийг удаан хугацааны турш судалснаар Британийн хатан хааны нийгэмлэг /Нэгдсэн вант улсын шинжлэх ухааны академи/ ийм дүгнэлт хийжээ.

Био түлш нь хүлэмжийн хий цацагдах явдлыг багасгаж болох хэдий ч, ой мод, тэнд байдаг амьтдын хувьд жинхэнэ аюул болж байгааг судалгааны материалд тэмдэглэсэн байна. Мод нь биобутанол үйлдвэрлэхэд явж, харин үр тариагаар биоэтонал үйлдвэрлэж байгаа юм. Нефтээс био түлшинд шилжихээр дэлхийн өч төчнөөн орны Засгийн газар төлөвлөж байгаа нь улмаар ой модыг багасгаж, хөдөө аж ахуйд зориулан усны хэрэглээг эрс нэмэгдүүлснээр дэлхийн цаг агаарыг олон дахин муутгах аюултай юм. Тийнхүү Британийн академичид био түлш үйлдвэрлзхэд зарцуулж буй түүхий эдийн үйлдвэрлэлд "хатуу хяналт" тавихыг уриалсан байна.