ХАЛУУН ЭЛГЭН НУТАГ ХӨШӨӨ
XX зууны манлай дуу өргөмжит “Халуун элгэн нутаг” дуунд зориулан 1999 онд Д.Батдоржийн эх загвараар эхний бадгийн хөгийг Монгол Улсын газрын зургийн хэлбэр бүхий хавтгай чулуунд сийлж бүтээсэн. Боржин чулуу бүхий энэхүү хөшөө нь дуунд зориулсан Монгол улсын анхны хөшөө юм.
Байршил: Сүхбаатар дүүргийн 1-р хороо, Энх тайвны өргөн чөлөө, Гадаад хэргийн яамны баруун талд
Хамгаалалтын зэрэглэл: Нийслэлийн Засаг даргын 2008 оны 357 дугаар захирамжаар Сүхбаатар дүүргийн хамгаалалтад авсан.

ЭХ ҮРС БАРИМАЛ
1994 онд Монгол улсын хүн ам хоёр саяд хүрсэн түүхэн үйл явдалд зориулж, зураач С.Саранцацралтын эх загвараар зэсээр цутгаж хийсэн.
Байршил: Сүхбаатар дүүргийн 1-р хороо, 1-р амаржих газрын урд талд
Хамгаалалтын зэрэглэл: Нийслэлийн Засаг даргын 2008 оны 357 дугаар захирамжаар Сүхбаатар дүүргийн хамгаалалтад авсан.

ТУСГААР ТОГТНОЛЫН ХӨШӨӨ
Хөшөөг улс орныхоо тусгаар тогтнолын төлөө амь биеэ өргөсөн хүмүүст зориулан Монгол нутагт төрт улс үүсэн байгуулагдсаны 2220, Их Монгол Улс байгуулагдсаны 805, Үндэсний эрх чөлөөний хувьсгалын 100, Ардын хувьсгалын 90 жилийн ойг тохиолдуулан 2011 онд босгосон. Есөн хөлт цагаан туг нь дөрвөн зүг, найман зовхис, хана хэрэм нь бат бөх байдал, босоо сумны зэв бүхий “гэрэлт цамхаг” нь ирээдүй хойч үедээ өвлүүлэн үлдээх үнэт өв, үүрд мөнх оршихуйн бэлгэдэл болно.
Байршил: Чингэлтэй дүүргийн 5-р хороо, Самбуугийн гудамж, Тэнгис кино театрын зүүн талд

“ЭМЭЭ ӨВӨӨ”-ГИЙН ХӨШӨӨ
1983 онд Р.Энтайваны эх загвараар бүтээсэн. Хөшөөг анх Циркийн гудамжид байрлуулсан бөгөөд тухайн газарт Б.Цэрэндоржийн хөшөө босгосонтой холбоотой 5-р сургуулийн өмнө байрлуулж, сүүлд одоогийн байранд авчирч байрлуулсан байдаг.
Байршил: ЧД, 5-р хороо, Самбуугийн гудамж

ТӨРИЙН ДУУЛЛЫН ДУУТ ХӨШӨӨ
Төрийн дууллын дуут хөшөөг 2008 онд урласан. Энэхүү хөшөө нь “Нийслэлийн түүх соёлын үл хөдлөх дурсгал”-д хамаарна. Гэмтэл учруулах, холбогдох захиргааны байгууллагын зөвшөөрөлгүй шилжүүлэхийг хориглоно.
Байршил: СБД, 6-р хороо талбайн өмнөх цэцэрлэгт хүрээлэнд

БАРИЛГАЧДЫН ӨНДӨРЛӨГ
Энэхүү хөшөө нь “Нийслэлийн түүх соёлын үл хөдлөх дурсгал”-д хамаарна. Гэмтэл учруулах, холбогдох захиргааны байгууллагын зөвшөөрөлгүй шилжүүлэхийг хориглоно.
Байршил: ЧД, 4-р хороо, худалдааны гудамж дахь барилгачдын талбай

Энэхүү хөшөө нь “Нийслэлийн түүх соёлын үл хөдлөх дурсгал”-д хамаарна. Гэмтэл учруулах, холбогдох захиргааны байгууллагын зөвшөөрөлгүй шилжүүлэхийг хориглоно.
Байршил: СБД, 8-р хороо, Гэрлэх ёслолын ордоны өмнө

ЭНХ ТАЙВНЫ ХОНХ
1992 онд Монголын ард түмний энх тайвны төлөөх үйл хэргийг үнэлж Япон улсын “Дэлхийн энх тайвны харанга” нийгэмлэгээс дэлхийн улс орнуудын зоосон тэмдэгтүүдийг хайлуулан бүтээж бэлэглэсэн.
Байршил: СБД, 6-р хороо Баруун төв цэцэрлэгт
Хамгаалалтын зэрэглэл: Нийслэлийн Засаг даргын 2008 оны 357 дугаар захирамжаар Сүхбаатар дүүргийн хамгаалалтад авсан.

БҮЖИГЛЭЖ БАЙГАА ТУРК ЗАЛУУ
Энэхүү хөшөө нь “Нийслэлийн түүх соёлын үл хөдлөх дурсгал”-д хамаарна. Гэмтэл учруулах, холбогдох захиргааны байгууллагын зөвшөөрөлгүй шилжүүлэхийг хориглоно. Монгол-Турк улсуудын ард түмний найрамдалт харилцааг бэлгэдсэн энэ хөшөөг өнгөрсөн жил барьжээ.
Байршил: Чингэлтэй дүүргийн 5-р хороо, Хүнсний нэгийн уулзварт

АРДЫН ХУВЬСГАЛЫН 40 ЖИЛИЙН ОЙН ӨНДӨРЛӨГ
Ардын хувьсгалын 40 жилийн ойд зориулж босгосон өндөрлөг. 1961 онд Т.Мишигийн эх загвараар, бетоноор цутгаж хийсэн.
Байршил: Хан-Уул дүүрэг, 11-р хороо
Хамгаалалтын зэрэглэл: НИТХ-ын Тэргүүлэгчдийн 2007 оны 197-р тогтоолоор Хан-Уул дүүргийн хамгаалалтад авсан.