Монгол Улс БНХАУ-ын тусгай томилолтын анги, салбаруудын терроризмтэй тэмцэх “Анчин бүргэд”-2015 хамтарсан хээрийн сургуулийн нээлт Зэвсэгт хүчний сургалтын нэгдсэн төвд зохион байгууллагдлаа.

Нээлтийн арга хэмжээнд ЗХЖШ-ын ажиллагааны удирдлагын газрын дарга, бригадын генерал Д.Ганзориг, БНХАУ-ын АЧА-ийн Бээжингийн цэргийн тойргийн тусгай ажиллагааны бригадын захирагч хурандаа Ли Чи Фень нар оролцлоо.

Тусгай ажиллагааны чиглэлээр анх удаа БНХАУ-ын Зэвсэгт хүчинтэй  хамтран зохион байгуулж байгаа тус хээрийн сургуульд Зэвсэгт хүчний 084 дүгээр анги болон, БНХАУ-ын АЧА-ийн Бээжингийн 38 дугаар цэргийн тойргийн тусгай ажиллагааны 120 гаруй цэргийн алба хаагчид 2015 оны аравдугаар сарын 12-18 ны хооронд Зэвсэгт хүчний сургалтын нэгдсэн төвд хамтран 3 үе шаттайгаар “Анчин бүргэд” 2015 хээрийн сургуульд хамрагдаж байгаа юм.