Монголын их соён гийгүүлэгч, төр, шашин, соёл урлагийн нэрт зүтгэлтэн Анхдугаар Богд Жавзандамба Лувсандамбийжанцан сайн цогтын түмэн өлзий гийсний 380 жилийн ойд зориулсан “Өндөр гэгээн Занабазарын хосгүй үнэт бүтээлүүд”  үзэсгэлэн өнөөдөр болно.

Мөн энэ үеэр түүний бүтээлүүдийн дээжээс бүрдсэн цомгийн нээлт болох юм.

Тус үзэсгэлэнд Чойжин ламын сүм музейн сан хөмрөгт хадгалагдаж буй Өндөр гэгээн Занабазарын хосгүй үнэт бүтээлүүдийн дээжээс түүний ариун мутрын болон дэг сургуулийн сор дээж болсон 17 бүтээлийг дэлгэн үзүүлэх аж.

Мөн дээрхи бүтээлүүдийн зурагтай монгол, төвөд, санскрит, англи хэл бүхий тайлбарт цомгийг олны хүртээл болгох бөгөөд энэхүү үйл ажиллагаа өнөөдөр 11:30 цагт болно.

Зургийн эх сурвалж: https://mn.wikipedia.org/wiki/