Энэ сарын 19-ны өдрийн үнэт цаасны арилжаагаар “II” ангилалд бүртгэлтэй 15 хувьцаат компанийн нийт 3,272 ширхэг хувьцааг арилжсан байна.           

Энэ өдөр MSE ALL индекс  964.43 нэгж болж, 0.30 хувиар өссөн бол зах зээлийн үнэлгээ 1 их наяд 295 тэрбум төгрөг боллоо. Дашрамд дуулгахад 52 долоо хоног буюу

• 1 жилийн хугацаатай,
• Жилийн 14.650%-ийн хүүтэй,
• 100,000 ширхэг Засгийн газрын жижиглэнгийн үнэт цаасны анхдагч зах зээлийн арилжааны захиалгыг МХБ-ийн гишүүн үнэт цаасны компаниудаар дамжуулан авч байна.
  Наймдугаар сарын 25-ний өдөр ЗГҮЦ-ны арилжааг явуулах юм.

                            ЗАСГИЙН ГАЗРЫН ҮНЭТ ЦААСНЫ ТОВЧ МЭДЭЭЛЭЛ

1. Үнэт цаас гаргагчийн нэр: Монгол Улсын Сангийн яам
2. Үнэт цаас гаргах зорилго: Төрийн сангийн мөнгөн хөрөнгийн удирдлага
3. Үнэт цаасны санал болгох хүрээ: Олон нийтэд санал болгох  
4. Үнэт цаасны төрөл: Засгийн газрын энгийн үнэт цаас
5. Нэрлэсэн үнэ: 100,000 төгрөг
6. Хямдруулсан үнэ: 87,253.00 төгрөг
7. Нийт гаргах тоо:  100,000 ширхэг                                          
8. Богино хугацаат үнэт цаасны үзүүлэлт:

9. Хүүгийн хувь хэмжээ: Долоо хоног бүр арилжигдах Засгийн газрын жижиглэнгийн үнэт цаасны хүүгийн хувь хэмжээг зах зээлийн жишиг хүүг үндэслэн Сангийн яам тогтооно.
10. Захиалга авах хугацаа: Монголын хөрөнгийн бирж нь тус арилжааны саналыг хуанлийн 6 хоногийн турш авах бөгөөд 6 дах хоногийн 11 цагт арилжааг хаана.
11. Захиалга хүлээн авах цаг: Лхагва гарагт - 14:00- 16:00 цагт
Пүрэв - Дараа долоо хоногийн даваа гарагт - 10:00-16:00 цагт
Мягмар гарагт - 10:00-11:00 цагт
12. Арилжаа хийгдэх: Монголын хөрөнгийн биржийн арилжааны системд нийт захиалгыг хүлээн авсны дараа нийт ирсэн саналыг Сангийн яаманд цахим хэлбэрээр хүргүүлэх бөгөөд Сангийн яамнаас баталгаажуулсны үндсэн дээр хуваарилалтыг хийнэ.