Засгийн газар буюу Сангийн яам 15 тэрбум төгрөгийн үнэт цаасыг амжилттай арилжаалсан талаар бид өмнө нь мэдээлсэн. Гэтэл Сангийн яам энэ сарын 22-28-ны өдрүүдэд дахин захиалга авч, арилжаалах Засгийн газрын үнэт цаасны мэдээллээ танилцууллаа.

1. Үнэт цаас гаргагчийн нэр: Монгол Улсын Сангийн яам
2. Үнэт цаас гаргах зорилго:  Төрийн сангийн мөнгөн хөрөнгийн удирдлага
3. Үнэт цаасны санал болгох хүрээ:  Олон нийтэд санал болгох  
4. Үнэт цаасны төрөл: Засгийн газрын энгийн үнэт цаас
5. Нэрлэсэн үнэ: 100,000 төгрөг
6. Хямдруулсан үнэ:  92,882.00 төгрөг
7. Нийт гаргах тоо: 100,000 ширхэг                                          
8. Богино хугацаат үнэт цаасны үзүүлэлт:

9. Хүүгийн хувь хэмжээ: Долоо хоног бүр арилжигдах Засгийн газрын жижиглэнгийн үнэт цаасны хүүгийн хувь хэмжээг зах зээлийн жишиг хүүг үндэслэн Сангийн яам тогтооно.

10. Захиалга авах хугацаа: Монголын хөрөнгийн бирж нь тус арилжааны саналыг хуанлийн 6 хоногийн турш авах бөгөөд 6 дах хоногийн 11 цагт арилжааг хаана. 

11. Захиалга хүлээн авах цаг: Лхагва гарагт 14:00- 16:00 цагт, пүрэвээс дараа долоо хоногийн даваа гарагт - 10:00-16:00 цагт, мягмар гарагт - 10:00-11:00 цагт

12. Арилжаа хийгдэх: Монголын хөрөнгийн биржийн арилжааны системд нийт захиалгыг хүлээн авсны дараа нийт ирсэн саналыг Сангийн яаманд цахим хэлбэрээр хүргүүлэх бөгөөд Сангийн яамнаас баталгаажуулсны үндсэн дээр хуваарилалтыг хийнэ. 

Засгийн газрын үнэт цаас худалдан авах нь дараах давуу талтай.

•Засгийн газрын үнэт цаас нь Засгийн газраас баталгаа гаргадаг учраас эргэн төлөлт нь найдвартай хамгийн эрсдэлгүй үнэт цаасанд тооцогддог. 
•Тогтмол орлого орно.
•Засгийн газрын үнэт цаасны хүүгийн орлого нь албан татвараас бүрэн чөлөөлөгддөг. 

•Засгийн газрын үнэт цаасны хүү өсч байгаа. 

•Хөрвөх боломжтой. Хэрвээ танд бонд эзэмшиж байх хугацаанд тань мөнгө шаардлагатай болсон тохиолдолд уг бондын хугацаа дуусахыг хүлээх шаардлагагүйгээр бондоо зах зээл дээр эргүүлэн худалдаж болно.

Гэрэл зургийг Б.Бямба-Очир