Засгийн газрын ээлжит хуралдаан өнөөдөр 16.00 цагт болно. Баяр наадмын өмнө буюу долдугаар сарын 7-нд хуралдсанаас хойш баярын амралт үргэлжилсээр ээлжит хуралдаан хуваарийн дагуу өнөөдөр болно.

Шийдлийн Засгийн газрын МАН-ын харьяалалтай зургаан сайдыг хөөх шийдвэрийг эрх баригч АН-ын Гүйцэтгэх зөвлөлөөс гаргаад байна. Энэ асуудлыг наймдугаар сарын 3-нд УИХ-ын ээлжит бус чуулган зарлан хэлэлцэхээр болсон.

Хэдийгээр Засгийн газрын зургаан сайд, долоон дэд сайдын суудал солигдох нь тодорхой болсон ч энэ асуудлыг УИХ шийдэх хүртэл Гүйцэтгэх засаглал хэвийн ажиллах ёстой. МАН-ын сайдууд албан тушаалаасаа буух хүртэл ажлаа хэвийн үргэлжлүүлнэ хэмээн албаны эх сурвалж өгүүллээ.