Тархиараа шийдвэр гаргах, зүрхээрээ шийдвэр гаргах гэдэг хоёр ондоо зүйл. Ер нь бол сэтгэл хөдлөлөө дагасан шийдвэр нэг талаас сэтгэлд өег хэдий ч буруу байх нь олонтаа. Гэхдээ зарим тохиолдолд тархиараа биш сэтгэл хөдлөлөө дагасан нь дээр байх нь ч бий.

Тиймээс Т3 агентлагийнхан Tinder аппликейшнд зориулсан сонирхолтой шийдлийг олжээ. Тухайн хэрэглэгчийг та сонгож, харилцах эсэхийг та биш таны зүрх шийднэ. Зүүдэг технологийн давлагааны ачаар зүрхний хэмнэл мэдрэх технологи бараг хүссэн бүхэнд нь байдаг болсон.

Доор байгаа бичлэгээс та хэрхэн ажиллаж байгааг хараарай. Та цагны дэлгэц дээр гарах зургийг харахад л хангалттай. Ингээд зүрхний цохилт нэмэгдэж байгаа үгүйгээс шалтгаалан тухайн хэрэглэгчийг сонгох эсэхийг аппликейшн өөрөө шийдэх юм.

Агентлаг ч энэхүү бүтээлдээ тун сэтгэл хангалуун байгаа төдийгүй “Зүрх хэзээ ч худал хэлдэггүй юм” гэжээ. Хэдийгээр бичлэг дээр зөвхөн Apple Watch харуулж байгаа ч хэрэглээнд нэвтэрсний дараа App Store болон Google Play дээр аль аль нь дээр нь гарна гэсэн юм.

Зүүдэг технологийн хөгжил ямар ч байсан нэг хэрэгтэй зүйл бий гэдгийг харууллаа. Цаашид хэрхэн хөгжих нь бүтээгчид төдийгүй хэрэглэгчид биднээс л шалтгаална. Харцгааж л байя.

Эх сурвалж: