Тэмцээн эхлэхэд 10 минут үлдлээ. "Чингис хаан" Гранпри тэмцээний эмч нарын албыг Гэмтэл согог судлалын үндэсний төвийн зөвлөх эмч АУ-ны доктор Ц.Ганзоригт ахалж, эмч О.Очирпүрэв, сувилагч Б.Батбаатар, жолооч Сүхбат нар ажиллаж байна.

"Чингис хаан" Гранпри тэмцээний мэдээллийн спонсор GoGo news agency

                                 "Чингис хаан" Гранпри тэмцээний мэдээллийг ЭНД-ээс үзнэ үү.

- 78 кг-д Д.Одханд, Азийн өсвөрийн аваргын хүрэл медальт Хюнжи Юүнтэй барилдаж байна.

Олон улсын хэмжээний мастер Б.Амбасэлмаа, 2013 оны Тбилисийн Европын нээлттэй тэмцээний хүрэл медальт Лаша Тавелуритай -100 кг-д барилдаж байна.

+100кг-д Зүүн Өмнөд Азийн аварга шалгаруулах тэмцээний мөнгө, хүрэл медальт Монголын жүдоч Б.Бат-Орших Ташкентийн Гранпригийн хүрэл медальт Узбекистаны жүдоч Машарипов Елиортой барилдлаа. 

Монголын жүдоч иппон үнэлгээгээр ялагдлаа. 

Бакугийн Их дуулгын мөнгөн медальт, Чиндао, Алматы хүрэл медальт Э.Энхбат +100кг-д Европын нээлттэй тэмцээний хүрэл медальт Францын жүдоч Жан-Севастиен Бонвоисинтой барилдлаа.

- 78 кг-д барилдсан Д.Одханд, БНСУ-ы жүдоч Хюнжи Юүнд вазари үнэлгээгээр ялагдлаа.

- 100 кг-д Б.Амбасэлмаа, Гүржийн жүдоч Лаша Тавелүриг цэвэр яллаа.

М.Ууганжаргал, Бакугийн их дуулгын мөнгөн медальт Японы жүдоч Акари Отагад ялагдлаа.

С.Жавзанмаа -73 кг-д Японы жүдоч Рика Такаяамад цэвэр ялагдлаа.

Францын жүдоч Жан-Севастиен Бонбоисин Э.Энхбатыг 3.54 минутад иппон үнэлгээгээр цэвэр яллаа. 

- 100 кг-д 2011 оны дэлхийн цомын тэмцээний мөнгөн медальт Б.Ариун-Эрдэнэ, Их Британийн жүдоч Африкийн нээлттэй тэмцээний алтан медальт Бенжамин Флетчерт цэвэр ялагдлаа.

Ташкентийн Гранпригийн хүрэл медальт Тажикистаны жүдоч Абдурахманов Мухамадмурод +100кг-д Европын нээлттэй тэмцээний аварга Гүржийн жүдоч Бугадзе Онисетэй учраа таарлаа. 

Гүржийн жүдоч өрсөлдөгчөө вазари үнэлгээгээр буулган авлаа. Түүний дараагийн өрсөлдөгч Монголын жүдоч Б.Тэмүүлэн. 

+78 кг-д Улаанбаатар Гранпригийн алтан медальт Б.Мөнхтуяа, Африкийн нээлттэй тэмцээний хүрэл медальт Марине Эрбд ялагдлаа.

+78 кг-д Д.Золжаргал, Чежүгийн Гранпригийн мөнгөн медальт БНСУ-ын жүдоч Ён Жү Лийд ялагдлаа.

+78 кг-д Э.Гандиймаа, Мастерсын алтан медальт БНХАУ-ын жүдоч Чиан Чинд ялагдлаа.

-90кг-д Москвагийн Их дуулга тэмцээний хүрэл медальт, Мйамагийн Гранпри хүрэл медальт, улсын аваргын алт, хүрэл медальт Г.Түвшинжаргал Швейцарийн жүдоч Вензингэр Домениктой барилдаж, цэвэр яллаа.

Амстердамын Гранпригийн алтан медальт П.Лхамдэгд, Африкийн өсвөрийн аваргын мөнгөн медальт Габоны жүдоч Сара Мирриамд ялагдаж, торгуулийн барилдаанд орохоор боллоо.

Улсын аваргын хүрэл медальт Р.Анхбаатар -90кг-д Чиндаогийн Гранпригийн хүрэл медальт Германы жүдоч Хилдебранд Ааронтой барилдаж байна. 

Дэлхийн цомын хүрэл медальт Д.Пүрэвдорж -100 кг-д, Азийн аваргын шагналт байрт Киргизийн жүдоч Чингиз Мамедовыг вазари үнэлгээгээр яллаа.

Германы жүдоч Аарон Р.Анхбаатарыг гурван минутад цэвэр яллаа. 

Казахстаны жүдоч Ессен Самат -90кг-д Дэлхийн цомын тэмцээний алтан медальт Их Британийн жүдоч Бурнс Андрютэй барилдлаа. 

Ташкентийн Гранпригийн хүрэл медальт Казахстаны жүдоч Албина Амангелдиева, Азийн өсвөрийн аваргын хүрэл медальт Хюнжи Юүнд ялагдлаа. Ингэснээр БНСУ-ын жүдоч хэсгээсээ нэгээр гарч Албина Амангелдиева торгуулийн барилдаанд П.Лхамдэгдтэй барилдахаар болов.

- 100 кг-д Японы жүдоч Аарон Волф, Лондоны олимпийн алтан медальт ОХУ-ын жүдоч Тагир Хайбулаевийг цэвэр яллаа.

Казахстаны жүдоч Ессен Самат вазари үнэлгээгээр Их Британийн жүдоч Андрюг яллаа. 

Их Британийн жүдоч, олимпийн мөнгөн медальт Жемма Гиббонс, Японы жүдоч Европын нээлттэй тэмцээний алтан медальт Рика Такаямаг ялж хэсгээсээ гарлаа.

Азийн аваргын мөнгө, Европын нээлттэй тэмцээний хүрэл, Самсуны гранпригийн мөнгө, хүрэл медальт Юрий Краковецкий +100кг-д Ташкентийн Гранпригийн хүрэл медальт Узбекистаны жүдоч Машарипов Елиортой учраа таарлаа. 

Киргизийн жүдоч өрсөлдөгчөө иппон үнэлгээгээр цэвэр ялж, хэсгийн аварга боллоо.

- 100 кг-д Б.Жанчивдорж, Гүржийн жүдоч Ласони Немсадзег цэвэр яллаа.

Азийн аваргын хошой хүрэл, Ташкент, Чингис хаан Гранпригийн аварга Б.Тэмүүлэн +100кг-д Гүржийн жүдоч Бугадзе Онисетэй учраа таарлаа. 

Б.Тэмүүлэн өрсөлдөгчөө юүко үнэлгээгээр ялж, хэсгийн аварга болов.

Бакугийн их дуулгын мөнгөн медальт Акари Огата -78 кг-д, Азийн өсвөрийн аваргын хүрэл медальт БНХАУ-ын жүдоч Зехуй Жаныг юүко үнэлгээгээр яллаа.

+78 кг-д Ташкентийн Гранпригийн мөнгөн медальт О.Жавзмаа, ХБНГУ-ын жүдоч Бакугийн Гранпригийн хүрэл медальт Каролин Вессд ялагдаж торгуулийн барилдаанд БНХАУ-ын жүдоч Сиси Матай барилдахаар боллоо.

Залуучуудын дэлхийн анхны аварга, Азийн наадмын мөнгөн медальт Ө.Дүүрэнбаяр +100кг-д Азийн Залуучуудын хүрэл медальт Японы жүдоч Нишигата Кэнтатай барилдаж байна. 

Энэ хоёр жүдочийн ялсан нь хэсгийн аварга болох юм. 

Европын нээлттэй тэмцээний хүрэл медальт Х.Цогтгэрэл, Дюззельдорфын Гранпригийн алтан медальт Шведийн жүдоч Маркус Няманд ялагдлаа.

Японы жүдоч Нишигата Кэнта Ө.Дүүрэнбаярыг юүко үнэлгээгээр ялж, хэсгийн аварга боллоо. 

Инчёны Азийн наадмын хүрэл медальт Л.Отгонбаатар, БНХАУ-ын жүдоч Ригеде Буг цэвэр яллаа.

Г.Түвшинжаргал -90кг-д Чиндаогийн Гранпригийн аварга Чен Шунжаотай учраа таарлаа. Хоёр жүдочийн аль ялсан нь хэсгийн аварга болох юм. 

- 78 кг-ийн торгуулийн барилдаан Амстердамын Гранпригийн алтан медальт П.Лхамдэгд, Ташкентийн Гранпригийн хүрэл медальт Казахстаны жүдоч Албина Амангелдиева нарын барилдаанаар эхэлж, П.Лхамдэгд цэвэр ялснаар хүрэл медалийн төлөө өрсөлдөх эрхтэй боллоо.

Хятадын жүдоч Чен Г.Түвшинжаргалыг торгуулиар ялж, хэсгийн аварга боллоо. 

Казахстаны жүдоч Ессен Самат -90кг-д Германы жүдоч Хилдебранд Ааронтой учраа таарлаа. 

Германы жүдоч өрсөлдөгчөө цэвэр яллаа. 

- 100 кг-д Б.Амбасэлмаа, Чиндаогийн Гранпригийн алтан медальт Мартин Пасект ялагдаж торгуулийн барилдаанд орохоор боллоо.

Залуучуудын дэлхийн анхны аварга, Азийн наадмын мөнгөн медальт Ө.Дүүрэнбаяр +100кг-ийн торгуулийн барилдаанд Европын нээлттэй тэмцээний алтан медальт Гүржийн жүдоч Бугадзе Онисетэй учраа таарлаа. 

Их британийн жүдоч олимпийн мөнгөн медальт Жемма Гиббонс, Японы жүдоч Бакугийн их дуулгын мөнгөн медальт Японы жүдоч Акари Огатаг вазари үнэлгээгээр ялж алтан медалийн төлөө өрсөлдөх эрхтэй болсон бол Акари Огата -78 кг-ийн хүрэл медалийн төлөө П.Лхамдэгдтэй барилдахаар болж байна.

Ө.Дүүрэнбаяр Гүржийн жүдоч Онисег торгуулиар яллаа. 

Дэлхийн цомын хүрэл медальт Д.Пүрэвдорж, Москвагийн их дуулгын алтан медальт Ираны жүдоч Жавад Махжубд -100 кг-ийн хэсгийн барилдаанд ялагдаж, торгуулийн барилдаанд орохоор боллоо.

Азийн аваргын мөнгө, Европын нээлттэй тэмцээний хүрэл, Самсуны гранпригийн мөнгө, хүрэл медальт Юрий Краковецкий +100кг-ийн хасаг шигшээд Будапештийн Гранпригийн хүрэл медальт Германы жүдоч Хейнле Свентэй барилдаж байна. 

Германы жүдоч өрсөлдөгчөө торгуулиар ялж, алтан медалийн төлөө өрсөлдөхөөр боллоо.

+78 кг-ийн торгуулийн барилдаанд БНХАУ-ын жүдоч Азийн наадмын алтан медальт Сиси Матай барилдсан Ташкентийн Гранпригийн мөнгөн медальт О.Жавзмаа харамсалтайгаар ялагдлаа.

- 100 кг-ийн хэсгийн барилдаанд Б.Жанчивдорж, Японы жүдоч Аарон Волфтой барилдаж, ялагдсанаар торгуулийн барилдаанд Д.Пүрэвдоржтой барилдахаар боллоо.

Азийн аваргын хошой хүрэл, Ташкент, Чингис хаан Гранпригийн аварга Б.Тэмүүлэн +100кг-ийн хагас шигшээд Японы жүдоч Нишигата Кэнтатай барилдаж, иппон үнэлгээгээр ялагдлаа. 

Ингэснээр +100кг-д алтан медалийн төлөө Герман, Японы жүдочид барилдахаар боллоо. 

Бакугийн их дуулгын хүрэл медальт ХБНГУ-ын жүдоч Керолин Весс, Африкийн нээлттэй тэмцээний хүрэл медальт Францын жүдоч Марине Эрбийг юүко үнэлгээгээр ялж +78 кг-ийн алтан медалийн төлөө өрсөлдөх эрхтэй боллоо.

-90кг-ийн торгуулийн барилдаанд Казахстаны жүдоч Ессен Самат болон Москвагийн Их дуулга тэмцээний хүрэл медальт, Мйамагийн Гранпри хүрэл медальт, улсын аваргын алт, хүрэл медальт Г.Түвшинжаргал нар таарлаа. 

Мастерсын алтан медальт БНХАУ-ын жүдоч Чиан Чин, Чежүгийн Гранпригийн мөнгөн медальт БНСУ-ын жүдоч Ён Жү Лийг ялж +78 кг-ийн алтан медалийн төлөө өрсөлдөх эрхтэй боллоо.

-90кг-ийн торгуулийн барилдаанд Казахстаны жүдоч Ессен Самат Г.Түвшинжаргалыг торгуулиар ялж, хүрэл медалийн төлөө барилдахаар боллоо. 

Инчёны Азийн наадмын хүрэл медальт Л.Отгонбаатар, Москвагийн их дуулгын мөнгөн медальт Узбекийн жүдоч Эркин Дониёровыг ялж хэсгээсээ гарлаа.

-100кг-ийн торгуулийн барилдаанд Чингис хаан Гранпри-2013 хүрэл медальт Б.Амбасэлмаа Хятадын жүдоч Ху Кайтай учраа таарлаа.

Б.Амбасэлмаа өрсөлдөгчөө цэвэр ялж, хүрэл медалийн төлөө барилдах эрхтэй боллоо.

-100 кг-ийн торгуулийн барилдаанд Б.Жанчивдорж 2012 оны Дэлхийн цомын хүрэл медальт Д.Пүрэвдоржийг ялж хүрэл медалийн төлөө барилдахаар боллоо.

Чиндаогийн Гранпригийн алтан медальт Шведийн жүдоч Мартин Пасек, Африкийн нээлттэй тэмцээний алтан медальт Их Британийн жүдоч Бенжамин Флетчерийг ялж - 100 кг-ийн алтан медалийн төлөө өрсөлдөх эрхтэй боллоо.

Москвагийн Их дуулгын алт, Азийн аваргын алтан медальт Ираны жүдоч Махжоув Жавад -100кг-ийн хагас шигшээд Японы жүдоч Аарон Волфтой учраа таарлаа. 

Японы жүдоч Аарон Волф цэвэр яллаа. Тэрбээр -100кг-д алтан медалийн төлөө Шведийн жүдоч Пасек Мартинтай барилдана. 

- 90 кг-ийн торгуулийн барилдаанд Москвагийн их дуулгын мөнгөн медальт Узбекийн жүдоч Эркин Дониёров, Дюззельдорфын Гранпригийн алтан медальт Шведийн жүдоч Маркус Няманийг ялж хүрэл медалийн төлөө өрсөлдөх эрхтэй боллоо.

-90кг-ийн хагас шигшээд Азийн наадмын хүрэл медальт, Тбилиси, Чингис хаан Гранпри тэмцээний хүрэл медальт Л.Отгонбаатар, Бакугийн Их дуулгын хүрэл медальт Шведийн жүдоч Жоаким Дварбитэй учраа таарлаа. 

Л.Отгонбаатар өрсөлдөгчөө вазари үнэлгээгээр ялж, -90кг-д алтан медалийн төлөө өрсөлдөх эрхтэй боллоо. 

Медалийн төлөөх барилдаанууд - 90 кг-ийн хүрэл медалийн төлөөх барилдаанаар эхэлж байна.

Москвагийн их дуулгын мөнгөн медальт Узбекийн жүдоч Эркин Дониёров, ХБНГУ-ын жүдоч Загребийн Гранпри мөнгөн медальт Аарон Хильдебрандыг цэвэр ялж, - 90 кг-ийн хүрэл медалийн болзол хангалаа.

Бакугийн Гранпригийн хүрэл медальт Шведийн жүдоч Жоаким Дверби, Казахстаны жүдоч Самат Иессенийг цэвэр ялж, хүрэл медалийн болзол хангалаа.

Инчёны хүрэл медальт Л.Отгонбаатар - 90 кг-ийн жинд БНХАУ-ын жүдоч Чиндаогийн Гранпригийн алтан медальт Шунжао Чинийг цэвэр ялж алтан медалийн болзол хангалаа.

Эмэгтэй -78 кг-ийн хүрэл медалийн төлөөх барилдаанд Амстердамын Гранпригийн алтан медальт П.Лхамдэгд, Бакугийн их дуулгын мөнгөн медальт Акари Огатад торгуулиар ялагдлаа.

Европын нээлттэй тэмцээний алтан медальт Японы жүдоч Рика Таяама, БНСУ-ын жүдоч Азийн өсвөрийн аваргын хүрэл медальт Хюнжи Юүнийг давж хүрэл медалийн болзол хангалаа.

Лондоны олимпийн мөнгөн медальт, Их Британийн жүдоч Жемма Гиббонс, Африкийн өсвөрийн аваргын мөнгөн медальт Габоны жүдоч Сара Мирриам Мазузийг цэвэр ялж алтан медаль хүртлээ.

- 100 кг-ийн хүрэл медалийн төлөө Б.Амбасэлмаа, Москвагийн их дуулгын алан медальт Ираны жүдоч Жавад Махжубд ялагдлаа.

Африкийн нээлттэй тэмцээний алтан медальт Их Британийн жүдоч Бенжамин Флетчер -100 кг-ийн хүрэл медалийн төлөө Б.Жанчивдоржтой барилдаж цэвэр яллаа.

19 настай Японы жүдоч Аарон Волф, Дэлхийд чансаагаараа 11 дүгээрт бичигддэг Шведийн жүдоч Мартин Пасекийг цэвэр ялж, - 100 кг-ийн алтан медалийн болзол хангалаа.

Инчёны алтан медальт, дэлхийд чансаагаараа 12-т бичигддэг БНХАУ-ын жүдоч Сиси Ма, Чежүгийн Гранпригийн мөнгөн медальт БНСУ-ын жүдоч Ён Жү Лийг цэвэр ялж хүрэл медаль хүртлээ.

Африкийн нээлттэй тэмцээний хүрэл медальт Марине Эрб, Ташкентийн Гранпригийн алтан медальт Гулжан Иссановаг ялж +78 кг-ийн жинд хүрэл медаль хүртлээ.

Мастерсын алтан медальт БНХАУ-ын жүдоч Чиан Чин, Бакугийн их дуулгын хүрэл медальт ХБНГУ-ын жүдоч Каролин Вейссийг ялж +78 кг-д алтан медаль хүртлээ.

Ташкентийн Гранпригийн алтан медальт Б.Тэмүүлэн, Европын аваргын мөнгөн медальт Жан Себастъян Бонвойсинийг цэвэр ялж, Монголын багийн ес дэх хүрэл медалийг хүртлээ.

Инчёны наадмын мөнгөн медальт Ө.Дүүрэнбаяр, Азийн өсвөрийн аваргын мөнгөн медальт Киргизийн жүдоч Юрий Краковецкийг ялж Монголын багийн АРАВ дахь хүрэл медалийг хүртлээ.

Азийн өсвөрийн аваргын хүрэл медальт Кента Нишигата, Будапештийн Гранпригийн хүрэл медальт Свен Хайнлег цэвэр ялж + 100 кг-ийн алтан медалийг хүртлээ.

Ийнхүү Монголын багийн эмэгтэй жүдочид хоёр АЛТ, нэг МӨНГӨ, гурван ХҮРЭЛ медаль, эрэгтэй жүдочид гурван АЛТ, хоёр МӨНГӨ, долоон ХҮРЭЛ медальтайгаар тэмцээнийг өндөрлүүлж байна. Нийт 18 медаль, 12 шагналт байрт шалгарсан Монголын нийт жүдочиддоо баярлалаа. Чингис Хаан Гранпри 2015 тэмцээнийг гурван өдрийн турш хүлээн авсан хөгжөөн дэмжигчид та бүхэндээ баярлалаа. Гурван өдрийн хугацаанд Монголын жүдочид ТАВАН удаа төрийн дууллаа эгшиглүүлсэн төдийгүй -60 кг-ийн жинд нэгэн зэрэг дөрвөн МОНГОЛ улсын төрийн далбаа өндөр өргөгдсөн гайхалтай тэмцээн болж өнгөрөв.