Үндэсний статистикийн хорооноос өргөн хэрэглээний бараа бүтээгдэхүүний үнийг сар бүр танилцуулдаг. Энэ сарын 24-ний байдлаарх үнийг өнгөрсөн сарын дүнтэй харьцуулвал бараг л өөрчлөлт ороогүй байна.   

Харин хонь, үхрийн ястай махны үнэ ялимгүй буурчээ. Үүнийг хүнсний захын махны худалдаачид хөдөөнөөс авчирдаг малын тоо өссөнтэй холбон тайлбарлаж байна. Малчдын орлогын гол эх үүсвэрийн нэг болсон ноолуурын үнэ өнгөрсөн хавар 2 дахин буурсан. Иймд арилжааны банкуудаас сургалтын төлбөр болон хэрэглээний зээл авсан малчид арга буюу малаа туун, Эмээлт захыг зорьж байгаа аж.