Цагаан хоол буюу веган хоол гэж юу вэ? Амьтны гаралтай орц найрлагад нь ороогүй, тос багатай холестерол агуулаагүй хүнс нь зөвхөн ургамлын гаралтай хүнсний түүхий эдээр бэлтгэсэн хоол хүнсийг хэлнэ.

Веган хоолны хэв маягт шилжсэнээр хүний наслалт 15 жил уртасна, хавдар тусах эрсдэл 40 хувиар буурна, зүрх судасны өвчний эрсдэл 50 хувиар багасна, чихрийн шижин өвчний эрсдэл 60 хувиар буурна, мал, амьтнаас дамждаг олон төрлийн халдвар, өвчлөл тусах эрсдэл үгүй болно, хоол боловсруулах эрхтнүүдийн үйл ажиллагаа сайжирна, оюуны чадамжийг нэмэгдүүлнэ мөн биеийн жинг хэвийн хэмжээнд барихад тусална гэх зэрэг олон давуу талуудтай.

Бид та бүхэндээ Улаанбаатар хотод үйл ажиллагаагаа явуулж буй цэвэр цэмцгэр орчинтой, боломжийн үнэтэй мөн үйлчлүүлэгчдийн талархлыг хүлээсэн веган хоолны газруудын мэдээллийг хүргэж байна. Доорх газрууд зөвхөн веган хоолоор үйлчилдэг боловч та заавал веган хоолтон байх албагүй тул нэг удаа ч болов амталж үзэхийг зөвлөе.

ЛОВИН ХАТ (LOVING HUT) нь Монгол дахь веган хоолны хамгийн том сүлжээ ресторан бөгөөд одоогоор Улаанбаатар хотод 10 салбартайгаар үйл ажиллагаагаа явуулж байгаа ба Сэлэнгэ, Архангай, Өвөрхөнгай аймагт тус тус салбартай. Энд та төрөл бүрийн веган хоолыг амталж болохоос гадна бууз, банш, хуушуур, цуйван гэх мэт Монгол хоолнуудаас ч амтлах боломжтой.

Холбоо барих: Энд дарж Фэйсбүүк хуудсаар нь зочилно уу.

Үнэ:

• Салат - 4900 - 5900 төгрөг
• Шөл - 4900 - 6900 төгрөг
• Үндсэн хоол - 10.500 - 12.500 төгрөг
• Смүүти болон шэйк - 5000 төгрөг
• Халуун уух зүйлс - 1000 - 3000 төгрөг
• Кофе - 4500 - 5500 төгрөг
• Сэндвич, бургер, буррито - 4500 - 7500 төгрөг
• Хүүхдийн иж бүрдэл - 4900 - 8500 төгрөг

Мөн та өглөөний цайны иж бүрдлийг 4900 - 6500 төгрөгөөр, өдрийн хоолны иж бүрдлийг 6000 төгрөгөөр авах боломжтой.

Улаанбаатар хот дахь салбаруудын хаяг:

1. Сонгинохайрхан дүүрэг, 1-р хороолол, 26-р байр, Хатанбаатар эмнэлгийн эсрэг талд - 99157079
2. Баянгол дүүрэг, Хархорин захын 3-р давхарт байрлах хүнсний худалдааны хэсэг - 91917494
3. Баянгол дүүрэг, 14-р хороолол, Номин их дэлгүүрийн ард - 91912063
4. Чингэлтэй дүүрэг, 9-р байр, Чимэг төв, Тэнгис кино театрын баруун тал - 99171534
5. Чингэлтэй дүүрэг, Жуулчны гудамж, 40-р байр - 99154413, 99986646
6. Чингэлтэй дүүрэг, 3-р хороо, 2-р 40 мянгат, Мандухай зочид буудлын эсрэг талд
7. Хан-Уул дүүрэг, 2-р хороо, Монгол Нэхмэл байр - 95400512
8. Хан-Уул дүүрэг, 2-р хороо, Хүнс технологийн коллеж - 99994373
9. Баянзүрх дүүрэг, 8-р хороо, Жоби-72, Хаан банкны байранд - 99247470
10. Чингэлтэй дүүрэг, Бага тойрог, 5-р сургуулийн баруун талд - 88558833

ЛУНА БЛАНКА (LUNA BLANCA) веган хоолны газар нь Чингэлтэй дүүрэг, Жуулчны гудамж дахь Буддын Бясалгалын төвийн 1-р давхарт байрладаг ба ажлын өдрүүдэд 11-21 цагийн хооронд амралтын өдрүүдэд 12-21 цагийн хооронд ажилладаг байна. Тус ресторан нь баяр наадмын өдрүүдэд ердийн цагийн хуваарийн дагуу ажиллахыг дуулгахад таатай байна.

Сонирхуулахад, тус ресторан нь www.tripadvisor.com хэмээх өдөртөө 60 сая хүн зочилдог сайтын оны шилдэг хоолны газраар 3 жил дарааллан  шалгарч байгаа аж. Өөрөөр хэлбэл, Монголд үйл ажиллагаагаа явуулж буй 195 хоолны газруудаас үйлчлүүлэгчдийн сэтгэгдэл болон үнэлгээгээр эхний тавд байнга багтаж байсан гэсэн үг юм. Энд та олон төрлийн амтат веган хоолнуудаас гадна Монгол хоолноос ч амтлах боломжтой.

Холбоо барих: (976) - 99251131, 98209897. Энд дарж фэйсбүүк хуудсаар нь зочилно уу.

Үнэ:

• Салад - 3700-7500 төгрөг
• Шөл - 5400-9900 төгрөг
• Үндсэн хоол - 6000-10.400 төгрөг
• Хүйтэн ундаа -  1000-4400 төгрөг
• Халуун уух зүйлс - 700-3700 төгрөг
• Кофе - 3500 төгрөг
• Амттан - 1600-3500 төгрөг

БОСКО ВЕРДЕ ИТАЛИ ВЕГАН РЕСТОРАН (BOSCO VERDE) нь Сүхбаатар дүүрэг, 2-р хороо, Циркийн зүүн талын 1А байранд байрладаг ба Итали улсын веган хоол болон Монгол хоолоор үйлчилдэг. Өдөр бүр 11-21 цагийн хооронд ажилладаг ба зөвхөн Бямба гарагт амардаг юм байна. Сониноос та энд веган хоол идэнгээ дарс болон шар айраг уух боломжтой.

Холбоо барих: (976) - 99092015, 70117715. Энд дарж Фэйсбүүк хуудсаар нь холбогдоно уу.

Үнэ:

• Салат - 3800-6500 төгрөг
• Шөл - 4500-7500 төгрөг
• Зууш - 3500-7500 төгрөг
• Үндсэн хоол - 6000-9000 төгрөг
• Паста - 7500-12.000 төгрөг
• Амттан - 2500-4500 төгрөг
• Халуун уух зүйлс - 3000-8500 төгрөг
• Хүйтэн ундаа - 1500-6500 төгрөг

ГОВИНДА (GOVINDA`S) веган хоолны ресторан нь Баянгол дүүрэг, 1-р хороо, 25-р эмийн сангийн урд талд байрлах арктай шар байрны баруун өнцөгт байрладаг ба 12.00-18.30 хүртэл ажилладаг.

Холбоо барих: (976) - 89662420. Энд дарж фэйсбүүк хуудсаар нь холбогдоно уу. 

Үнэ:

• Салат - 3500-6500 төгрөг
• Шөл - 4500-7500 төгрөг
• Үндсэн хоол - 6000-10.000 төгрөг
• Халуун уух зүйлс - 2000-4500 төгрөг
• Хүйтэн ундаа - 2000 - 3500 төгрөг

АГНИСТА (AGNISTA) веган ресторан нь Чингэлтэй дүүрэг, 4-р хороо, 5-р сургуулийн баруун талд байрлах бөгөөд өдөр бүр 09.00-22.00 цагийн хооронд ажилладаг. Энд та олон төрлийн веган хоолнуудаас амталж болохоос гадна Монгол хоол мөн веган зайрмаг хүртэл амтлах боломжтой.

Мөн Агниста ресторан нь веган боорцог, зайрмаг, хиам, ногоотой хөлдүү бууз, банш зэргийг худалдаалдаг юм байна.

Холбоо барих: (976) - 99067988. Энд дарж фэйсбүүк хуудсаар нь зочилно уу.

Үнэ:

• Салад - 3000-4500 төгрөг
• Шөл - 3500-5000 төгрөг
• Үндсэн хоол - 4500-8500 төгрөг
• Халуун уух зүйлс - 500-2000 төгрөг
• Хүйтэн ундаа - 2000  төгрөг

Мөн эдгээр хоолны газруудаас гадна Монголд дараах веган хоолны газрууд үйл ажиллагаагаа явуулдаг юм байна:

• Кафе Де Армор - Сүхбаатар дүүрэг, 6-р хороо, Кубын элчингийн хажууд
• Бяцхан Будда - Хан-Уул дүүрэг, 1-р хороо, Интермэд эмнэлгийн замын хойно
• Эмми Кафе - 3,4р хороолол, Москва их дэлгүүрийн 6-р давхарт