Энэ оны эхний хагас жилд Хөдөө Аж Ахуйн бирж 94 удаагийн арилжаа зохион байгуулж, нийт 298.1 тэрбум төгрөгийн гүйлгээ хийсэн байна.

Өөрөөр хэлбэл Хөдөө Аж Ахуйн бирж Өөрөөр хэлбэл Хөдөө Аж Ахуйн бирж дэх арилжааны өдрийн дундаж 3.2 тэрбум төгрөг байжээ.

Тодруулбал өнгөрсөн зургаан сарын хугацаанд нийт

• 4754.8 тонн ноолуур,
• 52.8 тонн тэмээний ноос,
• 4236.1 тонн хонины ноос,
• 554 тонн хүнсний буудай,
• 914.1 тонн ямааны завод ноос,
• 9 тонн тэмээний завод ноос болон 450.1 тонн хонины завод ноос арилжсан байна.

Хөдөө Аж Ахуйн биржийн арилжааны нийт үнийн дүнгийн 91 хувийг зөвхөн ноолуурын арилжаанаас бүрдүүлсэн ажээ.

Ноолуур самналт, ноолуурын татан авалт ид явагддаг дөрөв, тавдугаар сард хамгийн их ноолуурын арилжаа хийгдсэн байна.

Тухайлбал дөрөвдүгээр сард 1632.6 тонн ноолуур, тавдугаар сард 1819.3 тонн, зургадугаар сард 1195.3 тонн ноолуурыг биржээр арилжжээ.

Энэ он гарсаар Хөдөө Аж Ахуйн биржид 271.3 тэрбум төгрөгийн ноолуурын арилжаа хийгдсэн болохыг тус биржээс мэдээллээ.