Зүүн хойд Азийн аюулгүй байдлын асуудлаарх “Улаанбаатарын яриа хэлэлцээ” санаачилгын Олон улсын II бага хурал эхэллээ.

Өнгөрсөн жилийн уулзалтаар оролцогчид "Яагаад Улаанбаатарт Зүүн Хойд Азийн аюулгүй байдлыг хэлэлцэх ёстой вэ" гэж асууж байсан бол энэ удаад Улаанбаатарт л зохион байгуулах нь хамгийн оновчтой сонголт юм байна гэдэг дээр санал нэгдсэн байна. Мөн өнгөрсөн жилийнхтэй харьцуулахад оролцогчдын тоо нэмэгдэж, 10 орчим улсын 100 гаруй төлөөлөгч, эрдэмтэн судлаачид оролцож байгаа аж.

“Улаанбаатарын яриа хэлэлцээ”-ний үеэр Зүүн Хойд Азийн уламжлалт болон уламжлалт бус аюулгүй байдлын асуудлаас гадна бүс нутгийн эрчим хүч, дэд бүтцийн хэлхээ холбоо, түүний чиг хандлага, боломж бололцоо зэрэг тулгамдсан асуудлаар хоёр өдрийн турш хэлэлцүүлэг өрнүүлнэ.

Монгол Улсын Ерөнхийлөгч Ц.Элбэгдоржийн дэвшүүлсэн “Улаанбаатарын яриа хэлэлцээ” санаачилгын олон улсын Бага хурал тогтмолжиж, жил бүрийн зургадугаар сард Улаанбаатар хотноо болж байна гэж Гадаад Хэргийн яамнаас мэдээллээ.