Урианхай түмний соёл урлаг, спортын "Алтан хүрээ" найм дахь удаагийн наадам долдугаар сарын 3-5-нд зохион байгуулагдана. 

Гурван жил тутамд зохион байгуулагдаж ирсэн "Алтан хүрээ" наадамд БНХАУ-ын Шинжаан Уйгар, Өвөрмонгол, ОХУ-ын Халимаг зэрэг газраас 20-30 хүний бүрэлдэхүүнтэй 1-2 баг оролцоно.

Оролцогчид угсаатны соёл, ёс заншил, спорт, урлагийн төрлүүдээр өрсөлдөх юм.

Энэ жилийн хувьд "Цонжинболдог" цогцолбор, "Ариг Монгол хаад" жуулчны баазад болох юм байна.

Наадам:

• Урианхай сур, үндэсний бөхийн барилдаан
• Урианхай ардын аман зохиолын уралдаан
• Урианхай ардын дууны тэмцээн
• Урианхай ардын бүжиг, бие биелгээ
• Урианхай хөгжмийн зэмсэг
• Уламжлалт гар урлал, хувцас хэрэглэл, эд зүйлс
• Урианхай тоглоом наадгай
• Урианхай эртний мартагдсан урлаг, ёс заншлын зүйлс
• Эрдэм шинжилгээний бага хурал гэсэн хэсгүүдэд хуваагдан явах юм байна.