Монгол-Франц улсын хооронд дипломат харилцаа тогтоосны 50 жилийн ой энэ онд тохиож байгаатай холбогдуулан өчигдөр археологийн ховор олдвор бүхий "Монгол-Францын археологийн нээлтүүд. Хорин жилийн хамтын ажиллагаа" нэртэй үзэсгэлэн Монголын Үндэсний түүхийн музейд нээгдлээ.

Тус үзэсгэлэнг ШУА-ийн Түүх, археологийн хүрээлэн, Францын Цөлийн ба хээр талын хүрээлэн болон Монголын Үндэсний Музей хамтран зохион байгуулж байна.

Хоёр улс 1994 оноос археологийн хамтын ажиллагааг эхлүүлсэн бөгөөд Монголын түүхийн бараг бүх үеийг хамарсан археологийн өргөн хүрээтэй хайгуул, малтлага судалгааг 17 дурсгалт газар хийжээ.

1994-1999 онд Эгийн голын хөндийд Усан цахилгаан станц баригдах талбайг чөлөөлөх зорилгоор олон дурсгалыг малтсаны дотор Хүннүгийн бүтэн оршуулгын газрыг Монголд анх удаа бүрэн малтаж дуусгасан байдаг бөгөөд энэ нь Хүннү нар Монголчуудын эртний өвөг болохыг тогтоосон шинжлэх ухааны томоохон дүгнэлт болж байв.

Монгол-Францын чулуун зэвсгийн үе судлах төслийн хамт олон Хойд Цэнхэрийн гол, Мойлтын ам, Дөрөлж, Тамсаг булаг зэрэг томоохон дурсгалуудад гүйнгийрүүлсэн судалгаа хийж 500 орчим чулууэ зэвсгийн зүйлсийг илрүүлэн түүвэрлсний дээр Хэнтий аймгийн Норовлин сумын Салхитаас олдсон эртний хүний гавлын ясны хэсгийг түрүү хомо сапиенс болохыг илрүүлж он цагийг нь 28 мянган жилийн өмнө амьдарч байсныг тогтоожээ.

Мөн хоёр орны хамтарсан экспедици Алтайн бүс нутагт түрүү төмрийн үеийн Пазарыкийн Соёлын нүүдэлчдийн оршуулгыг Монголд анх удаа малтаж одоогийн байдлаар 38 дурсгалаас 200 гаруй олдвол илрүүлжээ.

Энэхүү үзэсгэлэнд сүүлийн 20 жилийн хамтын ажиллагааны хүрээнд нээгдсэн 50 багц 300 гаруй олдворыг олон нийтэд дэлгэн үзүүлж байна.

Эдгээр олдворын 60 хувь нь урьд өмнө нийтэл хүргээгүй цоо шинэ олдворууд гэнэ. Үзэсгэлэн есдүгээр 1-нд хооронд Монголын Үндэсний музейд болж байна.

Гэрэл зургийг Д.Жавхлантөгс