"Academy awards-2015" наадам амжилттай болж өнгөрлөө.

Энэ удаад 18 номинацид кино урлагийн шилдгийг тодруулсан бөгөөд "Аав" киноны уран бүтээлчид богц дүүрэн байлаа.

Тухайлбал тус кино 2015 оны шилдгийн шилдэг уран бүтээлээр тодорсон төдийгүй уг бүтээлийг найруулсан Г.Эрдэнэбилэг "Шилдэг найруулагч", гол дүрийг бүтээсэн жүжигчин Ц.Цэрэнболд "Шилдэг эрэгтэй гол дүр"-ийн шагналыг хүртлээ.

Мөн үүгээр ч зогсохгүй "Аав" киноны зохиолч М.Энхдалай  "Шилдэг кино зохиол"-ын шагналыг авсан бол "Шилдэг зураглаач"-аар О.Базаррагчаа тодорсон юм.

Тодруулбал уг бүтээл "Academy awards-2015" наадмын таван номинацийг тэргүүлэв.

Харин бусад номинацид,

"Шилдэг эмэгтэй дүр"-ийн шагналыг "Ар хударга" киноны гол дүрээр жүжигчин О.Долгор,

"Шилдэг хөрөнгө оруулагч"-аар "Сүүлчийн шөнө" киноны Б.Дэлгэрсайхан,

"Шилдэг эвлүүлэг" шагналыг "Учрал" киноны эвлүүлэгч Д.Төгсбаяр,

"Шилдэг туслах эрэгтэй дүр"-ийн шагналыг "Ээж ээ надтай гэрлээч" кинонд тоглосон Б.Баттөмөр,

"Шилдэг дүрсний эффект" шагналыг Ч.Түвшинтөгс "Хүүхэлдэй" кино,

"Шилдэг туслах эмэгтэй дүр" шагналыг "Хүдэн" кинонд тоглосон А.Цэгмэд,

"Шилдэг хөгжмийн зохиолч"-оор "Амьдрал нулимсанд дургүй" киногоороо Б.Одбаяр,

"Шилдэг дуу"-ы шагналыг "Аюултай харилцаа" киноны дуугаар Э.Агиймаа,

"Шилдэг дууны найруулагч"-аар "Ар хударга" киногоор Б.Баярхүү

"Шилдэг богино хэмжээний кино"-оор "Уулын эзэн" киногоороо У.Пүрэвжав,

"Шилдэг баримтат кино"-оор "Тавилан" бүтээлээрээ СГЗ сэтгүүлч найруулагч Г.Золжаргал,

"Шилдэг дебют кино"-ы шагналыг "Тютю" киногоороо жүжигчин Г.Ундармаа тус тус хүртлээ.