“Монгол Улсад салхины эрчим хүчийг нэмэгдүүлэх нь” олон улсын хурал өнөөдөр эхэлж хоёр хоногийн турш үргэлжилнэ.

Дэлхийн салхины эрчим хүчний зөвлөл, Монголын салхины эрчим хүчний ассоциаци, Даян дэлхийн ногоон хөгжлийн байгууллага хамтран энэ хурлыг зохион байгуулж байгаа юм.

Монгол Улсын сэргээгдэх эрчим хүчний салбарт ялангуяа салхины эрчим хүчний салбарт хөрөнгө оруулалт хийх сонирхлыг нэмэгдүүлэх, донор байгууллагуудын хамтын ажиллагааг нэмэгдүүлэхэд уг хурлыг зорилго оршино.

Тодруулбал,

• Хууль, эрх зүйн бодлого тодорхойлогчдод салхины эрчим хүчийг ашиглахын ашиг тус, технологийн шийдэл, хөгжил дэвшил, зах зээлийн талаар үнэн зөв мэдээллүүдийг хүргэх,
• хөрөнгө оруулалтын орчинг сайжруулах, салхины эрчим хүчний зах зээлийг тэлэхэд улс төрчдийн дэмжлэгийг авах,
• гадаадын хөрөнгө оруулагчдад эрчим хүчний салбарын талаарх мэдээллүүдийг өгөхөд хурлын зорилго, ач холбогдож оршиж байна.

Энэ удаагийн хурал нь бодлогын, олон улсын туршлага, хөрөнгө оруулалт, эрчим хүчний нэгдсэн сүлжээ гэсэн үндсэн дөрвөн салбар хуралдаанд дэлхийн 10 орны нийтдээ 12 илтгэгч илтгэлээ танилцуулна.

Монгол Улс болон БНХАУ-ын хооронд улс төрийн түвшинд цахилгаан худалдах, худалдан авах яриа, хэлэлцээрүүд яригдаж буй энэ үед БНХАУ-ын Өвөр Монголын эрчим хүчний сүлжээ компаниас төлөөлөгчид ирж, хоёр орны хооронд цахилгаан экспортлох техникийн боломжийн талаар ярьж байгаа нь чухал илтгэлүүдийн нэгд тооцогдож байгааг зохион байгуулагчид хэлж байгаа юм.

Монгол Улс өнөөдрийн байдлаар нийт хүчин чадлаараа 500 Мвт гаруй хүчин чадалтай, 1 тэрбум гаруй ам.долларын хөрөнгө оруулалттай төсөл хэрэгжиж байна. Энэ хурлаас гарах үр дүн дээрх төслүүдийн ирээдүйд чухал нөлөөтэй аж.